მთავარი მთავარი გურამ კაშია: ,,ჩვენი მიზანი ამ ჯგუფის მოგება და ქულათა მაქსიმუმის დაგროვებაა”

გურამ კაშია: ,,ჩვენი მიზანი ამ ჯგუფის მოგება და ქულათა მაქსიმუმის დაგროვებაა”

ავტორი კახა მიხანაშვილი
310 ნახვა

საქართველოს ეროვნული ნაკრების ვიცეკაპიტანმა გურამ კაშიამ პრესკონფერენციაზე ლატვიის ნაკრებთან მოახლოვებული მატჩის შესახებ ისაუბრა.

კაშიას აცხადებს, რომ პირველ შეხვედრაში ლატვიამ დაცვითი ფეხბურთი გვეთამაშა. ახლა კი მათ თამაში აქვთ მოსაგები და  უნდა შემოგვიტიონ. ქართველი ფეხბურთელის აზრით, ასეთ შემთხვევაში საქართველოს ნაკრებს  თამაშის მოსაგებად უფრო დიდი შანსი აქვს.

გურამ კაშია: ,,ჩემი აზრით, პირველ შეხვედრაში ლატვიამ დაცვითი ფეხბურთი გვეთამაშა. ასეთი გუნდის წინააღმდეგ თამაში ძალიან რთულია, როდესაც მეტოქე 11 ფეხბურთელით თავს იცავს გოლის გატანა ძნელდება.

იმედი მაქვს, რომ მომავალ  შეხვედრაში განსხვავებულ მატჩს ვიხილავთ, ლატვიას მოსაგები აქვს თამაში და შესაბამისად უნდა შემოგვიტიოს. ასეთ შემთხვევაში ვფიქრობ, რომ თამაშის მოსაგებად ჩვენ უფრო დიდი შანსი გვექნება.

ბოლო ორ შეხვედრაში დაცვითი გუნდების წინააღმდეგ მოგვიწია თამაში და ეს გულშემატკივრისთვის არც თუ ისე სასიამოვნო საყურებელია, ამიტომ თუ ლატვია თამაშს გახსნის ეს ყველასთვის კარგი იქნება.

ეროვნული ნაკრების ფეხბურთელები პლეი-ოფში კონკრეტულ მეტოქეზე არ ვფიქრობთ, ჩვენი მიზანი არის ამ ჯგუფის მოგება და ქულათა მაქსიმუმის დაგროვება, რათა მომავალ მეტოქეს საკუთარ მოედანზე ვუმასპინძლოთ. ეს ფაქტორი ჩვენთვის ძალიან მნიშვნელოვანია, რადგან ჩვენი გულშემატკივარი დიდი ძალაა.“- განაცხადა საქართველოს ნაკრების ფეხბურთელმა გურამ კაშიამ.

ერთა ლიგაზე ლატვიისა  და საქართველოს შეხვედრა 16 ოქტომბერს, გაიმართება.

მატჩი თბილისის დროით 22:45 საათზე დაიწყება.

0 კომენტარი
0

მსგავსი პუბლიკაციები

დატოვეთ კომენტარი