მთავარი მსოფლიოინგლისი უეინ რუნიმ ალკოჰოლოზმისგან თავის დასაღწევად სპეციალისტი დაიქირავა

უეინ რუნიმ ალკოჰოლოზმისგან თავის დასაღწევად სპეციალისტი დაიქირავა

ავტორი კახა მიხანაშვილი
35 ნახვა

ინგლისის ნაკრების ყოფილმა და ამჟამად ამერიკული „დი სი იუნაიტედის“ ფორვარდმა უეინ რუნიმ ოჯახური ურთიერთობების სპეციალისტი დაიქირავა.  ამის შესახებ ინფორმაციას ბრიტანული გაზეთი ,,The Sun” ავრცელებს.

რუნის ზემოთაღნიშნული ადამიანის დახმარება ალკოჰოლიზმისგან თავის დასაღწევად დასჭირდა.  ინგლისიდან ამერიკაში გადასული ბრიტანელი ფეხბურთელი მოცალეობის ჟამს გემრიელი ალკოჰოლური სასმელების დალევას მიეჩვია.  თუმცა ალკოჰოლისადმი მიდრეკილება, მას ინგლისში ყოფნის დროსაც ჰქონდა.  მას ამის გამო ოჯახში პრობლემები შეექმნა.  უეინის მეუღლეს კოლინს ისევე, როგორც ალკოჰოლზე დამოკიდებული მამაკაცების ცოლების უმეტესობას ქმრის ნასვამ მდგომარეობაში ნახვა არ სიამოვნებს და მათ შორის საქმე კონფლქტამდეც არაერთხელ მისულა.   ამ მიზეზით რუნი და მისი მეუღლე 2 წლის წინ ერთმანეთს რამდენიმე თვით დაშორდნენ.  თუმცა უეინმა ცოლთან შერიგება მოახერხა.  წყვილს 4  ბიჭი ჰყავთ და მამის ალკოჰოლისადმი სიყვარული მათზეც ცუდ ზეგავლენას ახდენს.

უეინ რუნიმ რამდენიმე დღის წინ ინგლისში დაბრუნების გადაწყვეტილება მიიღო და ინგლისელმა ფეხბურთელმა კონტრაქტი “დერბი ქაუნთისთან” გააფორმა.

33 წლის ფორვარდი ახალ კლუბს ოქტომბრის თვეში შეუერთდება. მას  მანამდე სურს ალკოჰოლს თავი დაანებოს.  ახლადდაქირავებული სპეციალისტი აცხადებს, რომ რუნის ალკოჰოლიზმისგან განთავისუფლების პროცესი დადებითად მიმდინარეობს.  ინგლისელი მზადაა, ყველაფერი სუფთა ფურცლიდან დაიწყოს და ალკოჰოლის მიღებაზე საერთოდ თქვას უარი.

უეინ რუნის დალევა  სპორტულ შედეგებში ხელს არ უშლის.  მან  „დი სი იუნაიტედის“  მაისურით ჩატარებულ 43 მატჩში 23 გოლი გაიტანა.  ეს კი მისი ასაკის გათვალისწინებით ურიგო შედეგი არაა.

 

0 კომენტარი
0

მსგავსი პუბლიკაციები

დატოვეთ კომენტარი