მთავარი მსოფლიოინგლისი “ლივერპულმა” დრამატულ ორთაბრძოლაში “ჩელსის” სძლია და ევროპის სუპერთასი აღმართა

“ლივერპულმა” დრამატულ ორთაბრძოლაში “ჩელსის” სძლია და ევროპის სუპერთასი აღმართა

ავტორი კახა მიხანაშვილი
31 ნახვა

თურქეთის ქალაქ სტამბულში “ბეშიქთაშ პარკზე”  ევროპის სუპერთასის  ეგიდით დრამატული და ძალიან დაძაბული ორთაბრძოლა გაიმართა.

ევროპის სუპერთასის მოსაპოვებლად ინგლისურმა გუნდებმა ჩემპიონთა ლიგის ტრიუმფატორმა “ლივერპულმა”  და ევროპის ლიგის გამარჯვებულმა ლონდონის “ჩელსიმ” სამკვდრო-სასიცოცხლო ბრძოლა გააჩაღეს.

მატჩის პირველი ნახევარი “ჩელსის” ფეხბურთელებმა 1-0 მოიგეს.   პირველი ტაიმის ერთადერთი გოლი ფრანგმა ოლივიე ჟირუმ 36-ე წუთზე გაიტანა.   მან ამერიკელი კრისტიან პულიშიჩის პასი დედის რძესავით შეირგო.

მეორე ტაიმის სტარტზე “მერსესაიდელებმა” წონასწორობა აღადგინეს.   ლონდონელი მცველებისა და მეკარის დაბნეულობით სენეგალელმა სადიო მანემ იხეირა და 48-ე წუთზე ანგარიში გაათანაბრა.

დარჩენილ დროში მეტი გოლი აღარ გასულა. შეხვედრაში ოვერტაიმი დაინიშნა.

დამატებულ პირველ ტაიმში “ლივერპული” დაწინაურდა. 95-ე წუთზე ბრაზილიელი რობერტო ფირმინოს პასით სენეგალელმა სადიო მანემ დუბლი შეასრულა.

101-ე წუთზე “არისტოკრატების’ სასარგებლოდ პენალტი დაინიშნა.   ამ მატჩის ქალბატონმა არბიტრმა “ჩელსის” ფეხბურთელის ტამი აბრაჰამთან დამნაშავედ “ლივერპულის” მეკარე ადრიანი მიიჩნია.  პენალტის შესასრულებლად ბურთთან იტალიელი ჟორჟინიო მივიდა. აპენინელის დარტყმის შემდეგ ბურთი მეტოქის კარის ბადეში გაეხვა.

დრამატული ბრძოლა 11-მეტრიანების სერიამდე მივიდა. იქ კი ოდნავ უკეთ “ლივერპულის” ფეხბურთელები გაისარჯნენ.  “ბიტლომანთა ქალაქის” გუნდმა ხუთიდან 5 პენალტი გაიტანა.  “ჩელსიდან” კი ერთადერთი საბედისწერო პენალტი ტამი აბრაჰამმა გააფუჭა.

“ლივერპულმა” ევროპის სუპერთასი ისტორიაში მეოთხედ აღმართა.

ევროპის სუპერთასი
სტამბული, “ბეშიქთაშ პარკი”

“ლივერპული” 2:2 5:4 პენ. “ჩელსი”
36′ ჟირუ (0-1), 48′ 95′ მანე (1-1),  101′ ჯორჯინიო (2-2)
პენალტების სერია: ფირმინო (1-0), ჯორჯინიო (1-1), ფაბინიო (2-1), ბარკლი (2-2), ორიჯი (3-2),  მაუნტი (3-3), ალექსანდერ-არნოლდი (4-3), ემერსონი (4-4), სალაჰი (5-4), აბრაჰამი (5-4) 

“ლივერპული”: ადრიანი, გომესი, მატიპი, ვან დეიკი, რობერტსონი (91′ ალექსანდერ-არნოლდი), ჰენდერსონი, ფაბინიო, მილნერი (64′ვიინალდუმი),  სალაჰი, ფირმინო, მანე (103′ ორიჯი)
მთავარი მწვრთნელი: იურგენ კლოპი

“ჩელსი”: არისაბალაგა, ასპილიკუეტა, კრისტიანსენი (85′ ტომორი), ზუმა, ემერსონი, ჯორჯინიო, კოვაჩიჩი (101′ ბარკლი), კანტე, პედრო, პულისიჩი (74′ მაუნტი), ჟირუ (74′ აბრაჰამი)
მთავარი მწვრთნელი: ფრენკ ლამპარდი

0 კომენტარი
0

მსგავსი პუბლიკაციები

დატოვეთ კომენტარი