მთავარი მთავარი ძალოსნობის საქართველოს პირველობაზე კიდევ 3 ჩემპიონი გამოვლინდა

ძალოსნობის საქართველოს პირველობაზე კიდევ 3 ჩემპიონი გამოვლინდა

ავტორი კახა მიხანაშვილი
54 ნახვა

დღეს,  ძალოსნობის საქართველოს ჩემპიონატზე მედლები 73, 81 და 89 კილოგრამ წონით კატეგორიებში გათამაშდა.

ჩემპიონის ოქროს მედლები  არჩილ მალაყმაძე, ლომია თებიძე და რეზი დავითაძემ დაისაკუთრეს.

73 კილოგრამში მედლებისთვის ბრძოლა ერთობ საინტერესო და დაძაბული გამოდგა.  თან რამდენიმე  საქართველოს რეკორდიც დამყარდა.

არჩილ მალაყმაძემ რეკორდის დამყარებაჭაბუკთა შორის ატაცსა და ორჭიდში შეძლო. ძალოსანმა სარეკორდო ზღვარს ატაცში 5 კილოგრამით, ხოლო ორჭიდში 8 კილოგრამით გადააჭარბა.

სარეკორდო მაჩვენებელი საქართველოს ნაკრების მწვრთნელის გიორგი ასანიძის ვაჟმა კახიმაც დაააფიქსირა.  მან აკვრაში წინა რეკორდი 1 კილოგრამით გაზარდა. 

საბოლოოდ,  73 კილოგრან წონით კატეგორიაში აჭარელმა არჩილ მალაყმაძემ ატაცში 147 კილოგრამი დაიმორჩილა, ხოლო აკვრაში 171 კილოგრამი ასწია.  ორჭიდის ჯამში მისმა მონაგარმა 318 კილოგრამს უწია.  მას ორჭიდის ჯამში 6 კილოგრამით კახი ასანიძე ჩამორჩა. ბრინჯაოს მედალი კი ქუთაისელმა გიორგი ლომთაძემ ირგუნა.

რეკორდი დამყარდა 81 კილოგრამშიც.  აქ ლომია თებიძემ იყოჩაღა.  ახალგაზრდა ძალოსანმა ჭაბუკთა შორის აკვრაში სარეკორდო ზღვარი 1 კილოგრამით გააუმჯობესა.  ამ წონაში თებიძემ ჩემპიონობა მოიპოვა.  ვიცეჩემპიონის მანტია ქუთაისელმა ედუარდ კაკაბაძემ მოირგო.   აჭარელი ბეგლარ სოლომონიძე ბრინჯაოს მედალს დასჯერდა.

89 კილოგრამ წონით კატეგორიაში პირველობა თბილისელმა რეზი დავითაძემ არავის დაუთმო.  მან ჯერ 165 კილოგრამიანი შტანგა აიტაცა.  აკვრაში კი თავს ზემოთ 200 კილოგრამიანი შტანგაც აღმართა. ჯამში დავითაძის მონაგარმა 365 კილოგრამი შეადგინა.   ვერცხლის მედალი ქუთაისელმა ნოდარ კაკაბაძემ, ხოლო ბრინჯაოს მედალი ალკაზარ გოგიტიძემ მოიპოვეს.

აქვე გაიცანით ჩემპიონ-პრიზიორებს

73 კგ
არჩილ მალაყმაძე (აჭარა) – 147. 171. 318
კახი ასანიძე (თბილისი) – 141. 171. 312
გიორგი ლომთაძე (ქუთაისი) – 125. 140. 265

81 კგ
I ლომია თებიძე (აჭარა) – 140. 181. 321
II ედუარდ კაკაბაძე (ქუთაისი) – 134. 165. 299
III ბეგლარ სოლომონიძე ( აჭარა) – 136. 162. 298

89 კგ.
რეზი დავითაძე (თბილისი) – 165. 200. 365
ნოდარ კაკაბაძე (ქუთაისი) – 140. 162. 302
ალკაზარ გოგიტიძე (აჭარა) – 125. 156. 281

საქართველოს ძალოსნობის ჩემპიონატის დასკვნიღ დღეს, მედლები მძიმე წონებში გათამაშდება.

ფოტო:  საქართველოს ძალოსნობის ეროვნული ფედერაცია

0 კომენტარი
0

მსგავსი პუბლიკაციები

დატოვეთ კომენტარი