მთავარი მთავარი საქართველოს ძალოსანთა ჩემპიონატი ლაშა ტალახაძის მორიგი მსოფლიოს რეკორდით და ჩემპიონის ტიტულით დასრულდა

საქართველოს ძალოსანთა ჩემპიონატი ლაშა ტალახაძის მორიგი მსოფლიოს რეკორდით და ჩემპიონის ტიტულით დასრულდა

ავტორი კახა მიხანაშვილი
109 ნახვა

თბილისში, ოლიმპიურ სოფელში მდებარე ფრენბურთის არენაზე მიმდინარე ძალოსანთა საქართველოს ჩემპიონატის დასკვნით დღეს მედლები 96, 102, 109 და +109 კილოგრამ წონით კატეგორიებში გათამაშდა.

მძიმე წონაში მოლოდინისამებრ, თავი მსოფლიოს საუკეთესო ძალოსანმა, ოლიმპიურმა, მსოფლიოს 3-გზისა და  ევროპის 4-გზის ჩემპიონმა ლაშა ტალახაძემ ისახელა. მან საქართველოს ჩემპიონის ტიტული რეკორდით გაალამაზა.

ტალახაძემ ატაცში 219 კილოგრამი დასძლია და თავისივე  მოპოვებული მსოფლიოს რეკორდი 1 კილოგრამით გააუმჯობესა.

აკვრაში ტალახაძემ 184 კილოგრამი დააფიქსირა.  ორჭიდის ჯამში კი მისმა მონაგარმა 331 კილოგრამი შეადგინა.  აღსანიშნავია, ის ფაქტი, რომ 3 წლის წინ ოლიმპიურ თამაშებზე ჩემპიონი ლაშა ტალახაძე სწორედ 17 აგვისტოს, გახდა.

ცხადია, მძიმე წონაში საქართველოს ჩემპიონი ლაშა ტალახაძე გახდა.  ვერცხლის მედალი აჭარელმა ბაქარ თურმანიძემ მოიპოვა.  ბრინჯაოს მედალი კი ხაშურელმა თორნიკე ტაბატაძემ დაისაკუთრა.

109 კილოგრამ წონით კატეგორიაშიც ჩემპიონის ტიტული ტალახაძეს დარჩა.  ამ წონაში წარმატებას აკაკი ტალახაძემ მიაღწია.   ვიცეჩემპიონის წოდება აჭარელმა მირზა დავითაძემ მოიპოვა.  დუშეთის წარმომადგენელმა ვანო ქაზუმაშვილმა კი ბრინჯაოს მედალი ირგუნა.

96 კილოგრამში ქუთაისელი ძალოსნები გამოირჩნენ.  საქართველოს ჩემპიონი ირაკლი გობეჯიშვილი გახდა.  ვერცხლის მედალი კი ზაზა ლომთაძემ აიღო.  ბრინჯაოს მედალი კი წილად თბილისელ საბა ანთაურს ხვდა.

102 კილოგრამში პირველობა ანტონ პლესნოიმ არავის დაუთმო.  მან ორჭიდის ჯამში  393 კილოგრამი მოაგროვა და მე-2 – მე-3  ადგილებზე გასული  საჩხერელი გიორგი კირვალიძე და თბილისელი ლაშა თაქთაქიშვილი უკან დიდი უპირატესობით ჩამოიტოვა.

აქვე იხილეთ რევანდელი ჩემპიონ-პრიზიორები:

96 კგ.
ირაკლი გობეჯიშვილი (ქუთაისი) – 145. 178. 323
ზაზა ლომთაძე (ქუთაისი) – 143. 175. 318
საბა ანთაური (თბილისი) – 123. 160. 283

102 კგ.
ანტონ პლესნოი (თბილისი) 181. 212. 393
გიორგი კირვალიძე (საჩხერე) – 135. 160. 295
ლაშა თაქთაქიშვილი (თბილისი) – 124 . 155. 279

109 კგ.
აკაკი ტალახაძე (საჩხერე) – 147. 184. 331
მირზა დავითაძე (აჭარა) – 117. 145. 262
ვანო ქაზუმაშვილი (დუშეთი) – 110. 153. 255

+109 კგ.
ლაშა ტალახაძე (საჩხერე) – 219. 255. 474
ბაქარ თურმანიძე (აჭარა) – 175. 202. 377
თორნიკე ტაბატაძე (ხაშური) – 165. 180. 345

საქართველოს 2019 წლის ჩემპიონატი დასრულდა.

0 კომენტარი
0

მსგავსი პუბლიკაციები

დატოვეთ კომენტარი