მთავარი მსოფლიოგერმანია ფელიპე კოუტინიო “ბაიერნში” ითამაშებს

ფელიპე კოუტინიო “ბაიერნში” ითამაშებს

ავტორი კახა მიხანაშვილი
25 ნახვა

ბრაზილიის ნაკრებისა და “ბარსელონას” ფეხბურთელი ფელიპე კოუტინიო მომავალ სეზონს იჯარის წესით მიუნხენის “ბაიერნში” გაატარებს. ეს ინფორმაცია ბავარიელთა გუნდის ბოსნიელმა სპორტულმა დირექტორმა ჰასან სალიჰამიჯიჩმა ტელეკომპანია ,,ZDF”-სთან დაადასტურა.

კოუტინიო “ბაიერნში” 2019-20 წლების სეზონის ბოლომდე ითამაშებს. სეზონის დასრულების შემდეგ კი “რეკორდმაისტერს” ფეხბურთელის გამოსყიდვის ექსკლუზიური უფლება ექნება.

ჰასან სალიჰამიჯიჩი: ,, მე და კარლ-ჰაინც რუმენიგე ამ კვირაში ბარსელონაში ვიმყოფებოდით. ჩვენ, კოუტინიოსა და მის აგენტებს მოველაპარეკეთ და შემიძლია დავადასტურო, რომ კოუტინიო მომავალ სეზონს “ბაიერნში’ გაატარებს. მოხარული ვარ, რომ მიუნხენში ასეთი მაღალი დონის ფეხბურთელი გადმოვიდა. ბრაზილიელი ჩვენ გუნდს გააძლიერებს და ტიტულების მოპოვებაში დაგვეხმარება. ” -განაცხადა სალიჰამიჯიჩმა ტელეკომპანია ZDF-სთან.

27 წლის ბრაზილიელმა ფეხბურთელმა ფილიპე კოუტინიომ პროფესიული საფეხბურთო კარიერა 2008 წელს მილანის “ინტერში” დაიწყო. ამ გუნდიდან იგი იჯარის წესით ბრაზილიურ “ვასკო დე გამასა” და ესპანურ “ესპანიოლში” გამოდიოდა.

2013 წელს სამხრეთ ამერიკელი “ლივერპულმა” გამოისყიდა.
კოუტინიოს “ბიტლომანთა ქალაქში” შესანიშნავი კარიერა ჰქონდა. მან 152 შეხვედრაში 41 გოლი გაიტანა.

ბრაზილიის ეროვნულ ნაკრებში ფელიპე კოუტინიოს 55 თამაში აქვს გამართული და 16 გოლი გატანილი.

0 კომენტარი
1

მსგავსი პუბლიკაციები

დატოვეთ კომენტარი