მთავარი მთავარი გურამ გოგიჩაშვილის დებიუტი ჩემპიონთა თასზე

გურამ გოგიჩაშვილის დებიუტი ჩემპიონთა თასზე

ავტორი კახა მიხანაშვილი
311 ნახვა

რაგბის ევროპის წამყვანი კლუბები ევროტურნირებში ჩაერთვნენ.

ჩემპიონთა თასის გათამაშებაში  სამმა ქართველმა ლეგიონერმა ითამაშა.

მე-4 ჯგუფში უმნიშვნელოვანესი გამარჯვება პარიზის “რასინგ 92”-მა მოიპოვა.   ვასილ კაკოვინისა და გურამ გოგიჩაშვილის კლუბმა უელსში ადგილობრივი “სკარლეტს” დაუპირისპირდა და დრამატულ ორთაბრძოლაში 14:13 მოიგო.

პარიზული გუნდის სასტარტო შემადგენლობაში გურამ გოგიჩაშვილი იყო. მას ევროთასებზე დებიუტი ჰქონდა.  ქართველმა ბურჯმა მოედანზე 50 წუთი გაატარა და ამ პერიოდის განმავლობაში 13 ბოჭვა შეასრულა, რაც ამ თამაშში მეორე მაჩვენებელი გახლდათ.

მე-5 ჯგუფში მიხეილ ნარიაშვილის “მონპელიემ” შოტლანდიურ “ედინბურგს” უმასპინძლა და ბრიტანელი მეტოქე 21:15 დაამარცხა.

მიხეილ ნარიაშვილმა შეხვედრა ძირითად შემადგენლობაში დაიწყო და 61 წუთი ითამაშა.  იგი ტრადიციულად კარგად გაისარჯა და  12 ბოჭვაც შეასრულა.

ინგლისური “უოსფსი” ირლანდიას ეწვია და უშანსოდ  3:52 დამარცხდა.   “ნისლიანი ალბიონის” გუნდის სასტარტო შემადგენლობაში ქართველი ბურჯი ზურა ჟვანია იმყოფებოდა. “ზუზუმ” მატჩში 53 წუთი ითამაშა.

 

0 კომენტარი
0

მსგავსი პუბლიკაციები

დატოვეთ კომენტარი