მთავარი მსოფლიოინგლისი “ჩელსიმ” ისევ ვერ მოიგო

პრემიერლიგის მე-2 ტურის დასკვნით შეხვედრაში ლონდონის “ჩელსიმ” 2 ქულა დაკარგა.

ლონდონის “სტემფორდ ბრიჯის” სტადიონზე გამართულ მატჩში “არისტოკრატები” “ლესტერს” დაუზავდნენ.

“ჩელსიმ” სწრაფი გოლის გატანა მოახერხა. მე-7 წუთზე მასპინძლები წინ მეისონ მოუნტმა გაიყვანა.

პირველ ნახევარში ანგარიში აღარ შეცვლილა.

მეორე ტაიმში “მელიებმა” უფრო კარგად ითამაშეს და შედეგსაც მიაღწიეს.

67-ე წუთზე ჯეიმს მედისონის პასით გოლი ნიგერიელმა ვილფრედ ნდიდიმ გაიტანა.

დარჩენილ დროში ფრენკ ლამპარდის შეგირდებმა შეხვედრაში გარდატეხის შეტანა ვერ შეძლეს.

საბოლოოდ ორთაბრძოლა ფრედ 1-1 დასრულდა.

2 ტურის შემდეგ ლონდონელ “არისტოკრატებს” 1 ქულა აქვთ და სატურნირო ცხრილში მე-15 პოზიციას იკავებენ.

“ჩელსიმ” ახალ სეზონში სამი შეხვედრა ჩაატარა და ვერცერთი ვერ მოიგო.

“ლესტერმა” კი პრემიერლიგაში ქულები მეორე მატჩშიც გაიყო.

“ჩელსი” 1:1 “ლესტერი”
7′ მოუნტი (1-0), 67′ ნდიდი (1-1)

“ჩელსი”: არისაბალაგა, ასპილიკუეტა, კრისტიანსენი, ზუმა, ემერსონი, კანტე, ჯორჯინიო (71′ ვილიანი), პედრო, მოუნტი, პულისიჩი (71′ კოვაჩიჩი), ჟირუ (61′ აბრაჰამი)
მთავარი მწვრთნელი: ფრენკ ლამპარდი

“ლესტერი”: შმეიხელი, რიკარდო პერეირა, ევანსი, სოიუნჩუ, ფუჩსი, ნდიდი, პერესი, ტილემანსი (80′ ალბრიგტონი), ჩოუდჰური (73′ პრაეტი), მედისონი, ვარდი
მთავარი მწვრთნელი: როჯერსი

“შეფილდ იუნაიტედი” 1:0 “კრისტალ პალასი”
47′ ლუნდსტრამი

0 კომენტარი
0

მსგავსი პუბლიკაციები

დატოვეთ კომენტარი