მთავარი მთავარი მედისონ კისი ცინცინატის დედოფალი

მედისონ კისი ცინცინატის დედოფალი

ავტორი კახა მიხანაშვილი
21 ნახვა

ამერიკის შეერთებულ შტატებში მიმდინარე ცინცინატის მასტერსი მასპინძელი მედისონ კისის ტრიუმფალური გამარჯვებით დასრულდა.
კისმა გადამწყვეტ ორთაბრძოლაში რუსი სვეტლანა კუზნეცოვა დაამარცხა.

ტურნირის ფინალურმა დაპირისპირებამ 1 საათი და 45 წუთი გასტანა.

34 წლის ვეტერანმა რუსმა ჩოგბურთელმა მომავალ ჩემპიონს გვარიანი წინააღმდეგობა გაუწია.

პირველ სეტში კისმა 7-5 მოიგო. მეორე სეტის გამარჯვებული კი ტაიბრეიკით გამოვლინდა.

საბოლოოდ ამერიკელმა მედისონ კისმა 2-სეტში 7-5, 7-6 გაიმარჯვა და ცინცინატის მასტერსი კარიერაში პირველად მოიგო.

სვეტლანა კუზნეცოვამ კი ასაკის მიუხედავად ტურნირი მაღალ დობეზე ჩაატარა. სლავმა ჩოგბურთელმა ჯერ ჩეხ კარპლინ პლიშკოვას, შემდეგ კი იმ დროისთვის მსოფლიოს ნომერ პირველ ჩოგან ეშლი ბარტის მოუგო.

მედისონ კისმა კი საჩემპიონო მარათონში ესპანელ გარბინ მუგურუზას, რუს დარია კასატკინას, მაოფლიოს ყოფილ პირველ ჩოგანს რუმინელ სიმონა ჰალეპს, თანამემამულეებს ლეგენდარულ ვინუს უილიამს და ამ ტურნირის აღმოჩენას სოფია კენინს მოუგო.

ცინცინატის მასტერსზე ტრიუმფის შემდეგ მედისონ კისი WTA-ს ცოცხალ რეიტინგში მეათე პოზივიაზე იმყოფება. იანკმა ლამაზმანმა 8 საფეხურით წინ წაიწია.

0 კომენტარი
0

მსგავსი პუბლიკაციები

დატოვეთ კომენტარი