მთავარი მთავარი WTA-ს განახლებული რეიტინგი – ნაომი ოსაკამ პირველობა დაიბრუნა, მედისონ კისი 8 პოზიციით დაწინაურდა

WTA-ს განახლებული რეიტინგი – ნაომი ოსაკამ პირველობა დაიბრუნა, მედისონ კისი 8 პოზიციით დაწინაურდა

ავტორი კახა მიხანაშვილი
30 ნახვა

ჩოგბურთის საერთაშორისო  ფედერაციამ საკუთარ ვებგვერდზე WTA-ს განახლებული რეიტინგი გამოაქვეყნა.

რეიტინგში პირველობა ავსტრალიელმა ეშლი ბარტიმ დაკარგა.   რეიტინგის სათავეში კი ისევ იაპონელი ნაომი ოსაკა მოექცა.  ამომავალი მზის ქვეყნის შვილმა დაკარგული ლიდერობა დაიბრუნა და რეიტინგში ბარტის 105 ქულით გაუსწრო.

განახლებულ რეიტინში ყველაზე დიდი პროგრესი რამდენიმე დღის წინ დასრულებული ცინცინატის მასტერსის გამარჯვებულმა ამერიკელმა მედისონ კისმა განიცადა. იანკი ჩოგბურთელი 8 პოზიციით დაწინაურდა და ნაცვლად მე-18 პოზიციისა, ამჟამად მე-10 ადგილზე დამკვიდრდა.

2 ადგილით წინ უკრაინელი ელინა სვიტოლინა გაიჭრა.  იგი WTA-ს  რეიტინგის საუკეთესო ხუთეულში აღმოჩნდა.  2 საფეხურით უკან დაწევა ჰოლანდიელ კიკი ბერტენს მოუწია.  ნიდერლანდთა სამეფოს პირმშვენიერი ასული მე-7 პოზიციაზე ჩამოქვეითდა.

საუკეთესო ოცეულში თითო-თითო ადგილით უკანამერიკელმა სლოან სტეფენსმა, ლატვიელმა ანასტასია სევასტოვამ, შვეიცარიელმა ბელინდა ბენჩიჩმა, გერმანელმა ანჟელიკ კერბერმა, კანადელმა ბიანკა ანდრეესკუმ, დიდი ბრიტანეთის წარმოამდგენელმა იოანა კონტამ, ჩეხმა მარკეტა ვონდროუშოვამ და ჩინელმა ქიანგ ვანგმა დაიწიეს.

ცინცინატის მასტერსის 1/2 ფინალში გასვლა ამერიკელ სოფია კენინს დაუფასდა. მან საუკეთესო ოცეულს უწია.

WTA-ს რეიტინგის საუკეთესო ოცეული ასეთია:

1 ნაომი ოსაკა იაპონია 6,606
2 ეშლი ბარტი ავსტრალია 6,501
3 კაროლინ პლიშკოვა ჩეხეთი 6,315
4 სიმონა ჰალეპი რუმინეთი 4,743
5 ელინა სვიტოლინა უკრაინა 4,492
6 პეტრა კვიტოვა ჩეხეთი 4,485
7 კიკი ბერტენსი ჰოლანდია 4,325
8 სერენა უილიამსი აშშ 3,935
9 არინა საბალენკა ბელარუსი 3,320
10 მედისონ კისი აშშ 3,267
11 სლოან სტეფენსი აშშ 3,189
12 ნასტასია სევასტოვა ლატვია 3,167
13 ბელინდა ბენჩიჩი შვეიცარია 3,008
14 ანჟელიკ კერბერი გერმანია 2,870
15 ბიანკა ანდრეესკუ კანადა 2,837
16 იოანა კონტა დიდი ბრიტანეთი 2,695
17 მარკეტა ვონდროუშოვა ჩეხეთი 2,651
18 ქიანგ ვანგი ჩინეთი 2,593
19 კაროლინ ვოზნიაცკი დანია 2,537
20 სოფია კენინი აშშ 2,460
0 კომენტარი
0

მსგავსი პუბლიკაციები

დატოვეთ კომენტარი