მთავარი მთავარი ჩემპიონთა ლიგა: “აიაქსი” კვიპროსში დაზავდა – “სლავიამ” და “ბრიუგემ” სტუმრად გაიმარჯვეს

ჩემპიონთა ლიგა: “აიაქსი” კვიპროსში დაზავდა – “სლავიამ” და “ბრიუგემ” სტუმრად გაიმარჯვეს

ავტორი კახა მიხანაშვილი
32 ნახვა

უეფას ჩემპიონთა ლიგის ფლეი-ოფის პირველი მატჩები გაიმართა.

გასული სეზონის 1/2  ფინალისტმა ამსტერდამის “აიაქსმა” კვიპროსის დედაქალაქ ნიქოზიაში ,,Neo GSP ” სტადიონზე ადგილობრივ “აპოელთან” ფრედ ითამაშა. მატჩი გატანილი გოლების გარეშე დასრულდა.

შეხვედრის მე-80 წუთზე ნიდერლანდთა სამეფოს გუნდი კაცნაკლული დარჩა.  მსაჯმა სერბ უროს მატიჩთან უხეშობისთვის მოედანიდან მაროკოელი ნუსაირ მაზრაუი გააძევა.

ჩემპიონთა ლიგის ჯგუფურ ეტაპზე გამსვლელი გუნდის ვინაობა ამსტერდამში “იოჰან კრიუფის” სახელობის სტადიონზე 28 აგვისტოს, გაირკვევა.

რუმინეთში ადგილობრივმა “კლუჟმა” ჩეხურ პრაღის “სლავიასთან” ვერაფერი გააწყო და მატჩი 0-1 დათმო.

შეხვედრის ერთადერთი გოლი 28-ე წუთზე ლუკას მასოპუსტიმ გაიტანა.

ერთმა გოლმა გადაწვიტა ორთაბრძოლის ბედი ავსტრიის ქალაქ ლინცში, სადაც მასპინძლის რანგში მოასპარეზე ,,ლასკი” “ბრიუგესთან”  დამარცხდა.   ბელგიურმა კლუბმა ერთადერთი გამარჯვების მომტანი გოლი პენალტით მე-10 წუთზე გაიტანა.  გოლის ავტორი ჰანს ვანაკენი გახდა.

“აპოელი” (კვიპროსი) 0:0 “აიაქსი” (ჰოლანდია)

“კლუჟი” (რუმინეთი) 0:1 “სლავია” (ჩეხეთი)
28′ მასოპუსტი (0-1)

“ლასკი” (ავსტრია) 0:1 “ბრიუგე” (ბელგია)
10′ ვანაკენი პენ. (0-1)

ჩემპიონთა ლიგის ფლეი-ოფის განმეორებითი მატჩები 28 აგვისტოს, შედგება.

0 კომენტარი
0

მსგავსი პუბლიკაციები

დატოვეთ კომენტარი