მთავარი მსოფლიოგერმანია ფრენკ რიბერი “ფიორენტინას” ღირსებას დაიცავს

ფრენკ რიბერი “ფიორენტინას” ღირსებას დაიცავს

ავტორი კახა მიხანაშვილი
20 ნახვა

ლეგენდარული ფრანგი ფეხბურთელი ფრენკ რიბერი მიუნხენის “ბაიერნიდან” იტალიის სერია ა-ს გუნდში ფლორენციის “ფიორენტინაში” გადაბარგდა.

რიბერმა იტალიურ კლუბთან ხელი 2-წლიან კონტრაქტს მოაწერა. ანაზღაურების სახით კი წელიწადში 4 მილიონ ევროს მიიღებს.

36 წლის ფეხბურთელმა “ბაიერნში” 12 წელი გაატარა. რიბერი “რეკორდმეისტერის” ღირსებას 2007 წლიდან იცავდა.

ფრენკ რიბერმა “ბაიერნთან’ ერთად ბუნდესლიგის ჩემპიონის ტიტული 9-ჯერ დაისაკუთრა.
გერმანიის თასი 6-ჯერ აღმართა.
გერმანიის სუპერთასს კი 4-ჯერ დაეუფლა.

მას ტიტულები არც ევროპის მაშტაბით დაკლებია. 2012-2013 წლებში ფრენკ რიბერმა ჩემპიონთა ლიგა მოიგო.
იმავე წელს წარმატებას ევროპის სუპერთასსა და მსოფლიოს საკლუბო ჩემპიონატზეც მიაღწია.

ჯამში ფრენკ რიბერმა ბავარიელთა მაისური 274 შეხვედრაში მოირგო და 86 გოლი გაიტანა.

საფრანგეთის ნაკრებში რიბერს 81 მატჩი აქვს გამართული და 16 გოლი გატანილი. იგი 2006 წელს მსოფლიოს ვიცეჩემპიონი გახდა.

“ბაიერნში” გადასვლამდე ფრენკ რიბერი ფრანგული გუნდების “ბულონის”, “ალესის”, “ბრესტის”, “მეცის” და “მარსელის” შემადგენლობსში თამაშობდა.
2005 წელი კი სტამბულის “გალათასარაიში” გაატარა.

0 კომენტარი
1

მსგავსი პუბლიკაციები

დატოვეთ კომენტარი