მთავარი მსოფლიოინგლისი „სიამაყის მაისური“ – “მანჩესტერ სიტიმ” სექსუალური უმცირესობის მხარდასაჭერად სპეციალური მაისური გამოუშვა

„სიამაყის მაისური“ – “მანჩესტერ სიტიმ” სექსუალური უმცირესობის მხარდასაჭერად სპეციალური მაისური გამოუშვა

ავტორი კახა მიხანაშვილი
24 ნახვა

ინგლისის მოქმედმა ჩემპიონმა “მანჩესტერ სიტიმ” ოფიციალურ ვებგვერდზე გასაყიდად სექსუალური უმცირესობის მხარდამჭერი მაისურები გამოიტანა.

სპორტული ფორმის მაისურის სახელწოდება „სიამაყის მაისური“ გახლავთ.

მაისური თეთრი ფერისაა, წინ კი დახატული ,,ლგბტ” თემის აღმნიშვნელი სიმბოლო აქვს.
აგრეთვე, სახელოებზე ცისარტყელას ფერებში გადაწყვეტილი ელემენტებია დატანილი.

აღნიშნულ მაისურს “მანჩესტერ სიტის” ხელმძღვანელობა მთელი წლის განმავლობაში გაყიდის.

მაისურები ივნისის თვეშია დამზადებული. ამ თვეს სექსუალური უმცირესობების წარმომადგენლები „სიამაყის თვედ“ მიიჩნევენ. მთელი მსოფლიოს მაშტაბით ყველაზე დიდი რაოდენობით “ლგბტ” თემის აღლუმები და მარშები სწორედ ივნისში, იმართება.

ამ ფაქტთან დაკავშირებით “მანჩესტერ სიტიმ” განცხადება გააკეთა:
“ჩვენ გადავწყვიტეთ სექსუალურ უმცირესობებს მხარდაჭერა კიდევ ერთხელ გამოუცხადოთ. ამ მიზნით “მანჩესტერ სიტის” საიტზე მთელი წლის განმავლობაში სპეციალური მაისურები გაიყიდება, რომელსაც სიმბოლურად „სიამაყის მაისური“ ვუწოდეთ.
ჩვენი მიზანია შეწყდეს ძალადობა განსხვავებული სექსუალური ორიენტაციის ადამიანების წინააღმდეგ და ყველამ გააცნობიეროს, ის მარტივი ჭეშმარიტება, რომ ყველა ადამიანი თანასწორუფლებიანია. ” – წერია “მანჩესტერ სიტის” განცხადებაში.

0 კომენტარი
0

მსგავსი პუბლიკაციები

დატოვეთ კომენტარი