მთავარი სხვა_ზამთრის სახეობები კოკაინის მოყვარული რუსი ჰოკეისტი 4-წლიანი დისკვალიფიკაციით დასაჯეს

კოკაინის მოყვარული რუსი ჰოკეისტი 4-წლიანი დისკვალიფიკაციით დასაჯეს

ავტორი კახა მიხანაშვილი
28 ნახვა

რუსეთის ნაკრებისა და „ვაშინგტონ კეპიტალზის“ ჰოკეისტი ევგენი კუზნეცოვი ჰოკეის საერთაშორისო ფედერაციამ 4-წლიანი დისკვალიფიკაციით დასაჯა.

ასეთი სასჯელი რუსმა ვარკვლავმა კოკანის მიღების გამო მიიღო.

კუზნეცოვმა დოპინგ-ტესტი ჩააგდო. მას სინჯები მსოფლიოს 2019 წლის ჩემპიონატის მსვლელობის დროს აუღეს.
ახლახან ცნობილი გახდა, რომ დოპინგ-ტესტმა დადებითი პასუხი აჩვენა.
რუსი ჩოგბურთელის ორგანიზმში კოკაინის კვალი აღმოჩნდა.
ევგენი კუზნეცოვს მეორე სინჯის გახსნა არ მოუთხოვია.

რუსის დისკვალიფიკაცია ძალაში 2023 წლის 13 ივნისამდე იქნება. მას თამაში ჰოკეის საერთაშორისო ფედერაციის ყველა ტურნირზე აეკრძალა.

ევგენი კუზნეცოვისთვის ეს პირველი სკანდალი არ არის.

2019 წლის მაისში, სოციალურ ქსელ ,,ფეისბუქში” გამოქვეყნდა ვიდეო, სადაც რუსი ჰოკეისტი ტელეფონით საუბრობს, მის წინ კი მაგიდაზე თეთრი ფხვნილი ყრია.

მაშინ ჰოკეისტმა ვიდეოს ნამდვილობა აღიარა, თუმცა განაცხადა, რომ ვიდეო 2018 წლის ზაფხულში ლას ვეგასშია გადაღებული, სადაც „ვაშინგტონი“ სტენლის თასის მოგებას აღნიშნავდა.

იმ დროს ევგენი კუზნეცოვმა კოკაინის მიღება უარყო და ისიც დაამატა, რომ მას ნარკოტიკი ცხოვრებაში არ გაუსინჯავს.

,,ფიცი მწამს, ბოლო მაკვირვებსო”. ფაქტია, რომ ნარკოტიკების ყნოსვისმოყვარულ ჟენიასთვის არც ზემოთაღნიშნულ ვიდეოში დაუყრიათ კოკაინი ძალით და არც მხოლოდ ტიტულის მოგების აღნიშვნისას და მოცალეობის ჟამს იღებს ნარკოტიკულ საშუალებებს.  იგი კოკაინის მიღებას არც მსოფლიოს პირველობის მსვლელობისას მორიდებია.

კუზნეცოვი 27 წლის გახლავთ. ჟენია რუსეთის ქალაქ ჩელიაბინსკშია დაბადებული.
იგი NHL-ს კლუბმა „ვაშინგტონ კეპიტალზმა” 2010 წლის დრაფტზე აირჩია.
რუსმა ჩოგბურთელმა ამერიკის დედაქალაქის გუნდთან ერთად 2018 წელს “სტენლის” თასი მოიგო.

რუსეთის ნაკრების რიგებში 2-ჯერ 2012 და 2014 წლებში მსოფლიოს ჩემპიონის ტიტული მოიპოვა.

0 კომენტარი
0

მსგავსი პუბლიკაციები

დატოვეთ კომენტარი