მთავარი მთავარი ტოკიოში პაპინაშვილი და ჩხვიმიანი დაიწყებენ

ტოკიოში პაპინაშვილი და ჩხვიმიანი დაიწყებენ

44 ნახვა

მზადაა ძიუდოს სამშობლო რვადღიანი ომისთვის. 841 ფალავანი 147 ქვეყნიდან ხვალინდა ხვალიდან 1-ლი სექტემბერის ჩათვლით ჯერ ინდივიდუალურად, მერე კი გუნდურად გამოავლენენ პლანეტის უძლიერესებს.

ქართველებიდან ამ ომში პირველები ჩვენი მსუბუქი არტილერია ამირან პაპინაშვილი და ლუხუმ ჩხვიმიანი ჩაებმებიან.

წესით ნახევარფინალამდე მისვლა არ უნდა გაუჭირდეს ამირან პაპინაშვილს და უკვე იქ უდიდესი ალბათობით ფინალის საგზურისთვის იაპონელთა სამგზის მსოფლიოს ჩემპიონი და ოლიმპიური პრიზიორი ნაოჰისა ტაკატოსთან მოუწევს ჭიდილი. თუმცა იქამდე გზა გრძელია და არც ისე იოლი. პირველ შეხვედრას ამირანი ევადორელ ლენინ პრესიადუსთან გამართავს და მერე ბელგიელი ოიორე ვერსტრაეტენსა და მავრიტანელი კუფირის წყვილში მოგებულს დაელოდება.ამავე ქვეჯგუფში ყველაზე გამოსარჩევი მონღოლი ამარუვშინ დაშდავაა, თუმცა მას ჩვენებური მეოთხედფინალამდე არ ხვდება.

ჩხვიმიანი უკვე მეორე წრეში მისთვის კარგადნაცნობ ფრანცისკო გარიგოსთან მოხდა, ოღონდ იქამდე ჰონ კონგელი ლაი ჰყავს დასამარცხებელი. ასევე ამავე ბადეშია რუსების ქართველი მსოფლიოს შარშანდელი ვიცეჩემპიონი რობერტ მშვიდობაძე, რომელთანაც ჩვენს ფალავანს გზები მეოთხედფინალში ეკვეთება.

წინასწარი შეხვედრები დილის 6 საათიდან დაიწყება და ყურება ტელეკომპანია სილქ უნივერსალზე იქნება შესაძლებელი.

0 კომენტარი
0

მსგავსი პუბლიკაციები

დატოვეთ კომენტარი