მთავარი ვიდეო VIDEO: ლუხუმ ჩხვიმიანი მსოფლიოს ჩემპიონატის 1/2 ფინალში გავიდა

VIDEO: ლუხუმ ჩხვიმიანი მსოფლიოს ჩემპიონატის 1/2 ფინალში გავიდა

ავტორი კახა მიხანაშვილი
137 ნახვა

ძიუდოს სამშობლო იაპონიაში სტარტი მსოფლიოს ჩემპიონატმა აიღო.

დღეს, პლანეტის პირველობაზე მედლები ვაჟებს შორის 60 კილოგრამში, ხოლო გოგონებს შორის 48 კილოგრამ წონით კატეგორიაში თამაშდება.

ქართველმა ძიუდოისტმა ლუხუმ ჩხვიმიანმა მსოფლიოს პირველობის 1/2 ფინალს უწია.  იქ კი მისი მოწინააღმდეგე მასპინძელთა ფალავანი მსოფლიოს ჩემპიონი რიუჯუ ნაგაიამა იქნება.

ჩხვიმიანმა პირველ წრეში ჰონგ-კონგის წარმომადგენელ ლონგ ლაი იუს იპონით სძლია.

ქართველმა ძიოდოისტმა მეორე დაპირისპირება ესპანელ ფრანჩისკო გარიგოსთან მოიგო.   გამარჯვებულის გამოსავლენად საჭირო დამატებითი დრო გახდა.  ლუხუმმა  “ოქროს დროის”  დაწყებიდან 1 წუთსა და 45 წამზე მეტოქეს მომგებიანი გდება შეუსრულა.

ჩხვიმიანს არანაკლებ დიდი ბრძოლა გადახდა  ბრაზილიელ ერიკ ტაკაბატაკესთან.  ქართველმა სამხრეთ ამერიკელ მოწინააღმდეგესთან წარმატებას დამატებით დროში მიაღწია.  ლუხუმმა ტაკაბატაკე კონპენსირებული დროის 53-ე წამზე დააიპონა.

1/8 ფინალში  ევროპის მოქმედმა ჩემპიონმა ლუხუმ ჩხვიმიანმა უკრაინელი არტიომ ლესიუკი დაამარცხა.  ქართველს გამარჯვების მოსაპოვებლად აქაც დამატებითი დრო დასჭირდა.   საბოლოოდ ქართველმა დაძაბულ ბრძოლაში გაიმარჯვა და 1/4 ფინალის საგზური მოიპოვა.

1/2 ფინალში გადასასვლელ ორთაბრძოლაში ჩხვიმიანმა ამ ტურნირის აღმოჩენას ტაიპეის წარმომადგენელ იანგ ვეი იანგს ვაზარის უპირატესობით  მოუგო.  იანგმა  მსოფლიოს ჩემპიონატის პირველ წრეში ფავორიტად შერაცხულ რუსეთის წარმომადგენელ რობერტ მშვიდობაძეს სძლია.

დღეს, საქარველოს ღირსებას კიდევ ერთი ფალავანი ამირან პაპინაშვილი იცავდა. მან სამწუხაროდ მედლისთვის ბრძოლა ვერ მოახერხა.

პაპინაშვილმა ეკვადორელი ლენინ პრესიადოს და ბელგიელი  იორე ვერსტრაეტენის ბარიერი წარმატებით დასძლია. 1/8 ფინალში კი ყაზახ გუსმან კირგიზბაევთან  დასანანი მარცხი განიცადა.

მსოფლიოს პირველობის  ფინალური ბლოკი თბილისის დროით 14:00 საათზე დაიწყება.

0 კომენტარი
0

მსგავსი პუბლიკაციები

დატოვეთ კომენტარი