მთავარი მსოფლიოესპანეთი “ბარსელონამ” უხვგოლიან შეხვედრაში “ბეტისი” გაანადგურა

“ბარსელონამ” უხვგოლიან შეხვედრაში “ბეტისი” გაანადგურა

ავტორი კახა მიხანაშვილი
30 ნახვა

ესპანეთის პრიმერა დივიზიონის მე-2  ტურში პირველი გამარჯვება კატალონიურმა “ბარსელონამ” მოიპოვა.

“ნოუ კამპზე” გამართულ მატჩში 7 გოლი გავიდა.   კატალონიელებმა სევილიის “ბეტისის”  კარი 5-ჯერ აიღეს.

ორთაბრძოლის საწყის წუთებზე სევილიელები დაწინაურდნენ.  მე-15 წუთზე ფრანგმა ნაბილ ფეკირმა იხეირა.

პირველ ტაიმში ბარსელონელებმა წონასწორობა აღადგინეს.  გოლი კატალონიელთა ახალწვეულმა ფრანგმა ანტუან გრიზმანმა გაიტანა.  ეს  პრიმერა დივიზიონში, “ბარსელონას”  მაისურით ფრანგის პირველი გატანილი გოლი აღმოჩნდა.

გრიზმანმა მეორე ნახევარში დუბლი შეასრულა.  ფრანგმა 50-ე წუთზე იხეირა და მასპინძელთა გუნდი წინ გაიყვანა 2-1.

გრიზმანის გოლიდან 6 წუთში “ბარსელონას”  21 წლის თავდამსხმელმა კარლეს პერესმა გაიტანა 3-1.

მე-60 წუთზე მსოფლიოს გრანდმა “ბეტისის” კარში მორიგი გოლი შეაგდო.  სერხიო ბუსკეტსის პასის შემდეგ თავი ხორდი ალბამ გამოიჩინა. კატალონიელები სოლიდური უპირატესობით 4-1 დაწინაურდნენ.

77-ე წუთზე ამ მატჩის გმირმა ანტუან გრიზმანმა საგოლე პასიც შეასრულა.  მისი პასით გოლის გატანა ჩილელმა არტურო ვიდალიმ იხეირა.

ბოლოს კი პრესტიჟის გოლი სევილიელებმაც გაიტანეს.  თავი “ბეტისის” ფორვარდმა ლორენმა გამოიჩინა.

“ბარსელონამ” წლევანდელ პრიმერა დივიზიონში პირველი გამარჯვება იზეიმა და ამ დროისთვის 3 ქულით მე-9 ადგილზე იმყოფება.

“ბარსელონა” 5:2 “ბეტისი”
15′ ფეკირი (0-1), 41’50’ გრიზმანი (1-1, 2-1),56′ პერესი (3-1), 60′ ალბა (4-1), 77′ ვიდალი (5-1), 79′ ლორენი (5-2)

“ლეგანესი” 0:1 “ატლეტიკო”
71′ ვიტოლო

“ალავესი” 0:0 “ესპანიოლი”

,,მალიორკა” 0:1 “რეალ სოსიედადი”
83′ ოდეგაარდი

0 კომენტარი
0

მსგავსი პუბლიკაციები

დატოვეთ კომენტარი