მთავარი საქართველოეროვნული ლიგა თბილისის “დინამომ” გორის “დილა” გაანადგურა და სატურნირო ცხრილში ლიდერობა დაიბრუნა

თბილისის “დინამომ” გორის “დილა” გაანადგურა და სატურნირო ცხრილში ლიდერობა დაიბრუნა

ავტორი კახა მიხანაშვილი
40 ნახვა

საქართველოს საფეხბურთო ჩემპიონატ “კრისტალბეთ ეროვნულ ლიგაში”  26-ე ტურის შეხვედრა გაიმართა.

თბილისში “დინამო არენაზე” თბილისის “დინამომ” გორის “დილა” 5-0 გაანადგურა.

დედაქალაქელებმა ანგარიში მე-13 წუთზე გახსნეს.  გიორგი ქიმაძის საჯარიმოში ჩაწოდებული ბურთი თავური დარტყმით გორელთა კარში ლევან კუტალიამ გადაგზავნა.

“დინამომ” მეორე გოლი 29-ე წუთზე გაიტანა.  ნიკა ნინუას იდეალური პასით მეკარესთან ერთიერთზე გასულმა ნოდარ ქავთარაძემ მეტოქის გოლკიპერი ჩამოიცილა და ბურთი ცარიელ კარში შეაგორა.

მეორე ნახევარში საქართველოს ყველაზე ტიტულოვანმა კლუბმა შიდა ქართველებს კიდევ 3 გოლი გაუტანა.

57-ე წუთზე ლევან კუტალიამ დუბლი შეასრულა.  კუტალიამ ძალიან ლამაზი გოლი გაიტანა.  მან ბურთი საჯარიმოს გარეთ მიიღო. საჯარიმოში შესულმა კი გზად გორელთა ორი ფეხბურთელი ჩამოიცილა და მეკარე ჩოჩიშვილს აუღებელი დაურტყა.

მატჩის დასრულებამდე 3 წუთით ადრე თავისი გოლი აკაკი შულაიამაც გაიტანა და ანგარიში4-0 გახადა.

ბოლოს კი გორელთა განადგურებას წერტილი განელმა კვამე კარიკარიმ დაუსვა.

საბოლოოდ, თბილისის “დინამომ” 5-0 მოიგო და 51 ქულით სატურნირო ცხრილის სათავეში მოექცა.  მეორე ადგილზე მყოფ ბათუმის “დინამოს”  დედაქალაქელებთან შედარებით  2 ქულით ნაკლები გააჩნია.

,,დინამო” (თბილისი)  5:0 “დილა” (გორი)
13′ კუტალია *1-0), 29′ ქავთარაძე (2:0), 57′ კუტალია (3-0), 87′ შულაია (4-0), 88′ კარიკარი (5-0)

დინამო: პერალესი, იაშვილი, მონხილი, კობოური, ქიმაძე, პაპავა, ქარდავა, ნინუა (ზარია 72), ქავთარაძე, შენგელია (შულაია 77), კუტალია (კარიკარი 67)

დილა: ჩოჩიშვილი, გიორგბელიძე, მირცხულავა, ნონდი (ლემპტი 46), რაზმაძე, ფორტესი, ა. სანტოსი (კერელეიშვილი 36), გაგნიძე, ქურდაძე, გოშთელიანი, ე. სანტოსი (სპანდერაშვილი 80)

მსაჯი: გ. კიკაჩეიშვილი

1. დინამო თბ დინამო თბ 25 16 3 6 53 25 28 51
2. დინამო ბთ დინამო ბთ 25 15 4 6 43 22 21 49
3. საბურთალო საბურთალო 23 13 5 5 41 26 15 44
4. ლოკომოტივი ლოკომოტივი 25 11 3 11 31 33 -2 36
5. ტორპედო ტორპედო 24 10 5 9 44 37 7 35
6. ჩიხურა ჩიხურა 25 7 10 8 33 29 4 31
7. რუსთავი რუსთავი 25 7 8 10 30 39 -9 29
8. დილა დილა 26 7 6 13 26 37 -11 27
9. სიონი სიონი 25 7 5 13 27 60 -33 26
10. ვიტ ჯორჯია ვიტ ჯორჯია 25 4 5 16 12 32 -20 17

ფოტო: fcdinamo.ge

0 კომენტარი
0

მსგავსი პუბლიკაციები

დატოვეთ კომენტარი