მთავარი მთავარი არის პირველი ადგილი! -საქართველოს ნაკრებმა ლატვია გაანადგურა და ერთა ლიგის 1/2 ფინალში თამაში გაინაღდა

არის პირველი ადგილი! -საქართველოს ნაკრებმა ლატვია გაანადგურა და ერთა ლიგის 1/2 ფინალში თამაში გაინაღდა

ავტორი კახა მიხანაშვილი
949 ნახვა

ერთა ლიგის შეხვედრაში საქართველოს ნაკრებმა ლატვია დაამარცხა და ევროპის ჩემპიონატზე გასვლისთვის ბრძოლას აგრძელებს.

ჩვენი გუნდი აღნიშნული ტურნირის 1/2 ფინალში ოფიციალურად გავიდა.

რიგაში გამართულ მატჩში საქართველოს ნაკრებს მატჩის დასაწყისში გოლის გატანის რეალური შანსი მიეცა. თუმცა მე-5 წუთზე ვაკო ყაზაიშვილმა პენალტი ვერ გაიტანა.

მე-8 წუთზე საქართველოს ნაკრები მაინც დაწინაურდა.
საჯარიმოს გარედან მარცხენა ფეხით გუნდის კაპიტანმა ჯაბა კანკავამ ულამაზესი დარტყმით ბურთი ლატვიელთა კარის ცხრიანში გაახვია.

29-ე წუთზე გიორგი ჩაკვეტაძემ იდიალური საგოლე გადაცემა გააკეთა. მისი პასით მეკარესთან პირისპირ დარჩენილმა ვაკო გვილიამ შანსი გამოიყენა 0-2.

პირველ ტაიმში სამწუხაროდ ჯაბა კანკავამ ტრავმა მიიღო. კაპიტანი 33-ე წუთზე მწვრთნელებმა გიორგი აბურჯანიათი შეცვალეს.

61-ე წუთზე გიორგი ჩაკვეტაძემ სწრაფი სოლო რეიდი განახორციელა. გზად ერთი ლატვიელი ფეხბურთელი ჩამოიცილა.
საჯაროში შესულმა კი ხელსაყრელი პოზიცია შეარჩია და ბალტიისპირული ნაკრების მეკარე ხახამშრალი დატოვა 0-3.

77-ე წუთზე ლატვიელთა მცველმა შეცდომა დაუშვეს. ბურთი გიორგი მერებაშვილს მიუვიდა, თუმცა მისი დარტყმული არაზუსტი აღმოჩნდა.

მატჩის ბოლოს კი გოლის გაშვებისგან საქართველო ნაკრები გურამ კაშიამ იხსნა.  რაც იმის მაუწყებელია, რომ ზედიზედ მე-4 შეხვედრა ჩვენმა გუნდმა გოლის გაუშვებლად ჩაატარა.

საბოლოოდ საქართველოს ნაკრებმა რიგაში ბრწყინვალე გამარჯვება მოიპოვა. ისტორიული გამარჯვების შემდეგ ქართველები ერთა ლიგის პირველი ჯგუფის სატურნირო ცხრილში 12 ქულით ერთპიროვნული ლიდერები არიან. რაც იმას ნიშნავს, რომ საქართველოს ნაკრები ერთა ლიგის 1/2 ფინალში ოფიციალურად გავიდა.

D ლიგა

რიგა, “დაუგავა”

ლატვია 0:3 საქართველო
8′ კანკავა (0-1,), 29′ გვილია (0-2), 61′ ჩაკვეტაძე (0-3),

ლატვია: ვანინსი, ზულევსი, იაგოდინსკისი, დუბრა, მაქსიმენკო, ფერტოვსი (46′ ისაევსი), ტარანოვსი, ციგანიკსი, რაკელსი, კარასაუსკასი (70’იკაუნიეკსი), გუტკოვსკისი (70′ შაბალა)

საქართველო: ლორია, დვალი, კაშია, ხოჭოლავა, კაკაბაძე, კვეკვესკირი, კანკავა (34′ აბურჯანია), მერებაშვილი (80′ ჯიღაური), ჩაკვეტაძე (89′ ზარანდია), გვილია, ყაზაიშვილი

იხილეთ და დატკბით სატურნირო ცხრილით

  1. საქართველო 4 4 0 0 9:0 12
  2. ყაზახეთი 4 1  2 1 6:4 5
  3. ლატვია 4 0 2 2 1:5 2
  4. ანდორა 4 0 2 2 1:8 2

 

 

0 კომენტარი
0

მსგავსი პუბლიკაციები

დატოვეთ კომენტარი