მთავარი მთავარი მოლაი პოლიტიკური თავშესაფრის ძიებაშია

მოლაი პოლიტიკური თავშესაფრის ძიებაშია

187 ნახვა

გრძელდება საიდ მოლაის საგა. როგორც ფრანგული გამოცემა “RMC Sport” იტყობინება ირანელმა ძიუდოისტმა ნამსოფლიოჩემპიონატარს მშობლიური ქვეყნის მაგიერ გერმანიას მიაშურა და პოლიტიკური თავშესაფარი მოითხოვა.

მიზეზი კარგადნაცნობია.ირანის ხელოსუფლება ადგილობრივ სპორტმენებს კატეგორიულად უკრძალავს ებრაელებთან ჭიდაობას და გამონაკლისი არც საიდ მოლაი ყოფილა. ჯერ კიდევ ორიოდე კვირის წინ მოლაის მსოფლიოს ჩემპიონატზე ასპარეზობა კითხვის ნიშნის ქვეშ იდგა, უშუალოდ ტურნირის მიმდინარეობისას კი მასზე და მის ოჯახზე მასირებული მუქარა მიდიოდა, რომ არ გაებედა და არ ეჭიდავა ებრაელი ფალავნის, საგი მუკის წინააღმდეგ. და თუკი მოლაი მაინც გადაწყვეტდა ტატამიზე მუკის წინააღმდეგ გასვლას, დაპირდნენ შენ  და შენ ოჯახს კარგი დღე არ დაგაგდებათო.

აღნიშნული ინფორმაცია დაადასტურა ძიუდოს საერთაშორისო ფედერაციის თავკაცმა მარიუს ვიზერმა იაპონურ გაზეთ “Asahi Shimbun”-თან ინტერვიუს დროს და განაცხადა რომ მოლაი მთელი ჩემპიონატის განმავლობაში უმძიმესი სტრესის ქვეშ იმყოფებოდა და პირობა დადო რომ ყველაფერს გააკეთებს რათა ის მოსალოდნელი საფრთხისგან მაქსიმალურად დაიცვას.

ამასთან ვიზერმა იმედი გამოთქვა, რომ მოლაი IJF-ის დროშის ქვეშ მოჭიდავე დევნილთა გუნდს შეუერთდება და ასე მიიღებს მონაწილეობას 2020 წლის ოლიმპიურ თამაშებზე.

0 კომენტარი
0

მსგავსი პუბლიკაციები

დატოვეთ კომენტარი