მთავარი მსოფლიოესპანეთი ლონდონურ დერბიში საბრძოლო ფრე დაფიქსირდა

ლონდონურ დერბიში საბრძოლო ფრე დაფიქსირდა

ავტორი კახა მიხანაშვილი
22 ნახვა

ინგლისის პრემიერლიგის მე-4 ტურის შეხვედრაში ერთმანეთს ლონდონური კლუბები “არსენალი” და “ტოტენჰემი” დაუპირისპირდნენ.

“ემირატ სტედიუმზე”  გამართული  მატჩი უხვგოლიანი და დრამატული აღმოჩნდა.

თავდაპირველად, ორთაბრძოლაში “მამლები” დაწინაურდნენ.   მე-10 წუთზე გოლი დანიელმა კრისტიან ერიქსენმა “არსენალის” გერმანელი მეკარის ბერნდ ლენოს შეცდომის შემდეგ გაიტანა.

მე-40 წუთზე ერიქსენმა პენალტი გამოიმუშავა. 11-მეტრიანი დარტყმა გოლად ჰარი კეინმა აქცია.

ტაიმისთვის მსაჯის მიერ კონპენსირებულ დროში “მეთოფეებმა”  ანგარიშის სხვაობა შეამცირეს.  თავი ფრანგმა ფორვარდმა ერიკ  ლაკაზეტემ გამოიჩინა.

71-ე წუთზე წონასწორობა “არსენალის”  გაბონელმა ფორვარდმა პიერ-ემერიკ ობამეიანგმა აღადგინა.  აფრიკელ ფეხბურთელს საგოლე პასი ფრანგმა მატეო გენდოუხმა გაუკეთა.

საბოლოოდ ლონდონური დერბი ფრედ 2-2 დასრულდა.   განვილილი 4 ტურის შემდეგ “არსენალს” 7 ქულა გააჩნია და მე-5 პოზიციაზე იმყოფება.  “ტოტენჰემს” კი 5 ქულა აქვს და სატურნირო ცხრილში მე-9 ადგილს იკავებს.

“ევერტონი”   3:2 “ვულვერჰემპტონი”
5′ რიჩარლისონი (1-0), 9′ საისი (1-1), 12′ ივობი (2-1), 75′ ხიმენესი (2-2), 80′ რიჩარლისონი (3-2)

“არსენალი” 2:2 “ტოტენჰემი”
10′ ერიქსენი (0-1), 40′ კეინი პენ. (0-2), 45+2′ ლაკაზეტე (1-2), 71′ ობამეიანგი (2-2)

0 კომენტარი
0

მსგავსი პუბლიკაციები

დატოვეთ კომენტარი