მთავარი მსოფლიოესპანეთი ვერც მადრიდის “რეალმა” მოიგო

ვერც მადრიდის “რეალმა” მოიგო

ავტორი კახა მიხანაშვილი
36 ნახვა

ესპანეთის პრიმერა დივიზიონის მე-3 ტურის შეხვედრაში ქულები მადრიდის “რეალმა” დაკარგა.

“სამეფო კლუბმა”  გასვლაზე “დე ლა კერამიკას” სტადიონზე “ვილიარელთან” ფრედ 2-2 ითამაშა.

მასპინძლებმა სწრაფი გოლი გატანა მოახერხეს.   მეკარესთან პირისპირ დარჩენილი კამერუნელი კარლ ტოკო ეკამბის დარტყმა მეკარე ტიბო კურტუამ კი მოიგერია, თუმცა იქვე ბურთთან  ხერარდ მორენო გაჩნდა და “ვილიარეალი” დააწინაურა.

ტაიმის ბოლოს “რეალმა” ანგარიში გაათანაბრა.   პირველი 45 წუთისთვის კონპენსირებულ დროში დანიელ კარვახალის პასი უელსელმა გარეთ ბეილმა დედის რძესავით შეირგო.

მატჩის დასრულებამდე 16 წუთით ადრე “ვილიარელმა” წინ გასვლა, ისევ მოახერხა.  მადრიდელთა დაცვის ჩავარდნის შემდეგ შექმნილი არეულობით მოი გომესმა იხეირა.

86-ე წუთზე ბრიტანელმა გარეთ ბეილმა დუბლი შეასრულა.   მან ბურთი საჯარიმოს მისადგომებთან მიიღო.  საჯარიმოში შესულმა გვერდი ერთ მოწინააღმდეგის მცველს აუარა და ზუსტი დარტყმით წონასწორობა აღადგინა.

ამ მატჩის გმირმა გარეთ ბეილმა შეხვედრა ვერ დაამთავრა. მსაჯის მიერ კონპენსირებულ დროში უელსელმა მეორე ყვითელი ბარათი მიიღო და მოედნიდან მიაბრძანეს.

საბოლოოდ,  ორთაბრძოლა ფრედ 2:2 დასრულდა.   განვილილი 3 ტურის შემდეგ “რეალს” 1 მოგება და 2 ფრე გააჩნია.  5 ქულით კი სატურნირო ცხრილში მე-5 პოზიციაზე იმყოფება.
წინა დღეს, ქულები “რეალის” მტერ-მეტოქე “ბარსელონამაც” დაკარგა. ასე, რომ ეს ტური მსოფლიოს ფეხბურთის გრანდებისთვის არც თუ ისე კარგი გამოდგა.

“ვილიარეალი” 2:2 “რეალი”
12′ მორენო (1-0), 45+1′ ბეილი (1-1), 74′ გომესი (2-1), 86′ ბეილი (2-2)
გაძევება: 90+4′ ბეილი (“რეალი”)

“ატლეტიკო” (მადრიდი) 3:2 “ეიბარი”
7′ ჩარლზი (0-1), 19′ არბილა (0-2), 27′ ჟოაო ფელიქსი (1-2), 52′ ვიტოლო (2-2), 90′ ტომასი (3-2)

“ესპანიოლი” 0:3 “ეიბარი”
13′ პუერტასი (0-1), 68′ ფერნანდესი (0-2), 74′ ასეესი (0-3)

“ვალენსია” 2:0 “მალიორკა”
43′ 57′ პარეხო (1-0, 2-0)

0 კომენტარი
0

მსგავსი პუბლიკაციები

დატოვეთ კომენტარი