მთავარი მთავარი ტოკიო 2019 ქართულად [ანალიზი]

ტოკიო 2019 ქართულად [ანალიზი]

153 ნახვა

დასრულდა 8-დღიანი ბატალიები ძიუდოს სამშობლოში, რომელიც იქაურ ტოკიოში გამართულ მსოფლიო ჩემპიონატს უკავშირდებოდა, და ეს ტურნირი 2021 წლამდე დაგვემშვიდობა.

მოკლედ სტატისტიკურ მხარეზე:

მონაწილეობას ჯამში 143 ქვეყნის 828 ფალავანი იღებდა, აქედან 502 კაცი და 326 ქალი. ამ 14 ქვეყნიდან მედალს 24 შესწვდა და მხოლოდ 9 ოქროს. 14 მსოფლიოს ჩემპიონიდან მარტო 3-მა დაიცვა – დარია ბილოდიდმა, უტა აბემ და კლარის აგბენენუმ.

14 მსოფლიოს ჩემპიონიდან ტიტული 3-მა დაიცვა – დარია ბილოდიდმა, უტა აბემ და კლარის აგბენენუმ.

ახლა რაც შეეხება ჩვენს გამოსვლას:

მოვიგეთ 1 ოქრო და 1 ბრინჯაო და საერთო გუნდურ ჩათვალში მეხუთენი ვიყავით, საკუთრივ ვაჟებში კი მესამენი. ასევე აღსანიშნია ის ფაქტრი, რომ მიჯრით მეორე წელის მსოფლიოს ოქროს გარეშე არ ვტოვებთ.

ერთი შეხედვით ურიგო შედეგი როდია, თუმცა ქომაგებს მაინც დაგვრჩა უკმაყოფილების განცდა, ეს სულაც არ ყოფილა ჩვენი მაქსიმალიზმის ბრალი. მოლოდინი ალბათ უფრო მეტის იყო, განსაკუთრებით კი პირველი დღის შემდეგ, და ამის რეალური პოტენციალი ნამდვილად გვქონდა, თუმცა მოვლენები მერე იმდაგვარად განვითარდა, რომ კვარცხლბეკზე სწორედ იმ წონებში ვერ დავდექით, რომელებიც ყველაზე მეტად გვეიმედებოდა.

ეს უკმაყოფილება უპირველსად ჩვენმა ცუდმა ტაქტიკურმა მომზადება გამოიწვია.სწორედ ეს იყო იგივე ღვინიაშვილის მარცხის მიზეზი, იგივე თუშიშვილის და იგივე მარგველაშვილის.

ასევე ვერ დავიკვეხნიდით ფიზ-მომზადებაშიც.

ერთი თვის წინ ღვინიაშვილმა ზაგრებში იპირველა და ეს ორი იაპონელის გავლით გააკეთა. იქ ბექა ტაქტიკურადაც სწორად ჭიდაობდა და ვერც იმას ვიტყოდით, ფიზიკაში უჭირდაო. მეორე პაექრობაში უზბეკ საბიროვთან, როცა შეხვედრა ოქროს დროში გადავიდა, ზედმეტი არაფერი უცდია, არ გაურისკია, სწორი ჩავლებებით და აქედან გამომდინარე სწორი ილეთის მცდელობებით მეტოქე მალევე დაასჯევინა მესამე შიდოთო. მერე იყო ტოტი და ბექამ უბრალოდ დაიბრიყვა უნგრელი. მისი ჩვეული დომინანტური და ჭკვიანურად აგრესიული სტილით იოტისოდენა შანსიც კი არ მიუცია. მურაოსთან ფინალის ამბავი კი ყველამ ისედაც კარგად იცით.

სამაგეროდ ტოკიოში რადიკალურად განსხვავებული ბექა ვიხილეთ. საერთოდ არ იგრძნობოდა, რომ ჰქონდა კონკრეტული გეგმა თუ როგორ ეჭიდავა მეტოქესთან. და ფიზ-მომზადება? დამატებითში უკვე არაქათი ჰქონდა გამოცლილი.

ბექას უყვარს, როდესაც როგორც ნადირი მსხვერპლს ისე მივარდნა მოწინააღმდეგესთან და მალევე მოგუდვა. ტაქტიკური ჭიდაობის დიდი მოყვარული არაა. და ასე იყო სმინკთან შეხვედრაშიც. სულ ბრუნზე იყო ჩაციკული და ეს მაშინ, როცა არ შეიძლება შენზე მაღალ სპორტსმენს, რომელსაც ფეხი აქვს ჩახვეული, ეს ილეთი გაურისკო, თანაც მანამდე რამდენჯერმე კინაღამ მოყვა კონტრზე. ბრუნს როდესაც კონტრილეთად იყენებ მაშინაა ეფექტური და არა მაშინ, როდესაც შენზე მაღალ მეტოქეს შენივე ინიციატივით უკეთებ.

ასევე არ იგრძნობოდა არანაირი ტაქტიკური მომზადება არც ვაჟიკოს და არც შავის შემთხვევაში.

ამიტომ აუცილებლი მგონია პირადი მწვრთნელი შეიცვალონ, თან რაც შეიძლება მალე. პატივისცემის მიუხევად მინდია ბოდაველის მიმართ, ფაქტია ვერ ამართლებს გაცემულ ავანსებს და ეს ოქროს ბიჭები მის ხელში მეტწილად რეგრესის გზას დაადგნენ. ასე კი შორს ვერ გავფრინდებით.

მგონია ამ ბიჭებისთვის იდელაური ვარიანტი ან ცირეკიძე და ან მოდებაძე იქნება,

სამწუხაროდ, ფიზიკაში დაგვეჩაგრა ბაგრატ ნინიაშვილიც. მართალია მონღოლი ისეთ ჯანზე იყო ბევრ 73 და 81 კილოიან ფალავანსაც კი გაეჯიბრებოდა, მაგრამ ცოტა უკეთ რომ ვყოფილიყავით მომზადებულები, თავისუფლად მივაღებინებდით მესამე შიდოს და გამარჯვებას ჩვენ დავიტოვებდით.

საერთო ჯამში ბაგრატის ასპარეზობა მაინც არ იყო ცუდი გარკვეულწილად შეიძლება მისი ეს გადაღლა ფსიქოლოგიური წნეხის ბრალიც იყო, ამხელა სარბიელზე პირველად გახლდათ, თუმცა ფაქტია საჭირო მომენტში ძალა არ შემორჩა და ეს წაგებად დაგვიჯდა.

სამაგიეროდ ფიზ-მომზადების მხრივ არაფერი დაეწუნებოდა გურამ თუშიშვილს, მაგრამ აქ პირადად კეიჯი სუზუკიმ მოგვიგო ნახევარფინალი.

ღვინიაშვილის არ იყოს თუშიშვილსაც უყვარს მეტოქის მალევე მოგუდვა, სულსწრაფია, და სწორედ ამაზე იყო სუზუკის მთელი ტაქტიკა აწყობილი. იცოდა გურამი ცდუნებას ვერ გაუძლებდა და სწორედ ამ დროს ექნებოდა მის შეგირდს კონტრილეთზე გამოჭერის შანსი და ასეც მოხდა. უბრალოდ მთავარი იყო ჰარასავას იქამდე გაეძლო და იპონი არ გაეშვა. სამწუხაროდ, ყველაფერი სუზუკის სცენარით წარიმართა.

შემდეგ მეიერთან მარცხი კი სუფთა ფსიქოლოგიური ფაქტორი იყო.

ჯერ კიდევ ორი წლის წინ, ირაკლი ცირეკიძე ამბოდა გვიჭირს ბრინჯაოსთვის მოტივაცია და ამ მხრივ ნაკრების თითქმის ყველა წევრს ფსიქოლოგიური პრობლემა აქვსო. მართალი იყო ეს კაცი. სამწუხაროდ ახლაც ასეა და სასიცოცხლოად აუცილებია ნაკრებს ფსიქოლოგი ჰყავდეს. მის გარეშე ასევე ვერ გავფრინდებით შორს.

ზევით მოგახსენეთ გურამს ფიზ-მომზადების მხრივ არაფერი დაეწუნებოდა-მეთქი და ძალიან კარგი იქნება თუკი ჩვენს ბიჭებს ივიკო ერგემლიძეს ჩააბარებენ. ეს კომპონენტი კარგა ხანია ჩვენი სუსტი წერტილია და მგონია ივიკო იდეალური დამატება იქნება ნაკრებისთვის.

დასაფასებელია ლიპარტელიანის მონდომა, როცა ტრავმიანი მაინც გამოვიდა საჭიდაოდ ფინალურ ბლოკში (როგორც შემდეგომ გაირკვა უკვე ტოკიოში ჩასულს დაუზიანებია მუხლი), თუმცა არ მგონია ეს გადაწყვეტილება მართებული. სამწუხაროდ 100 კილოში ლიპოს პოტენციური შემცვლელი არავინ გვყვავს (იმედია, სამწუხარო რომ დავწერე თავში მავანი არ იფიქრებს ერთი სული აქვს ლიპარტელიანი ნაკრებიდან წავიდესო), ოლიმპიადა კი უკვე კარზეა მომდგარი და ამის ფონზე გარისკო ტრავმიანმა ჭიდაობა ძალიან დიდი რისკია გაიმიზეზო ნატკენი ადგილი.

იმედი ვიქონიოთ ტრავმა სერიოზილი არაა და ლიპო მალე ჩადგება ოპტიმალურ ფორმაში.

ძალიან არ გაუმართლა შავდათუაშვილს წილისყრაში და ბადეში შოჰეი ონო ჩაუჯდა თანაც იმ ეტაპზე, სადაც წაგება ავტომატურად ტურნირიდან გამოთიშვას ნიშნავდა. არადა ეტყობოდა ჩვენს ბიჭს ფორმაში იყო და სასაყვედურო ნამდვილად არაფერი გვაქვს, მაგრამ როგორც ზემოთ მოგახსენეთ ტაქტიკური თვალსაზრისით ეს შეხვედრაც არასწორად წარვმართეთ.

ასევე ცუდი არ იყო პაპინაშვილიც და რომ არა მსაჯების უსამართლო გადაწყვეტილება, ვინძლო მედალზე გაეწია. მაგრამ ისიც სათქმელია, რომ საქმე აქამდე არ უნდა მიგვეყვანა.

რაც შეეხებათ ჩვენს მედალოსნებს:

ქება და ქება ლუხუმ ჩხვიმიანს. საოცარი პროგრესი აქვს ყველა მხრივ და დამსახურებული ოქროც ირგუნა. თანაც ეს იმ წონაში გაახერხა, სადაც ბოლო 10 წელი აზიელები დომინირებდნენ და რაც ყველაზე გამოსარჩევია 7 შეხვედრაში გდება არ გაუშვია. არაა სახუმარო ამბავი.

ქართული ძიუდოს ბრილიანტია ლუკა მაისურაძე. შესაშური ინტელექტის და ტექნიკის პატრონი ბიჭი.. ევროპის დარად სადებიუტო მსოფლიოც მედლით დაასრულა და ვის მოუგო, თვით საიდ მოლაის, მანამდე კი ქვა-ქვაზე არ დატოვა ვედათ ალბაირაქისგან. რა თქმა უნდა, იყო მინუსებიც, თუმცა ისეთი კაცის ხელშია ღრად მწამს აწი მხოლოდ და მხოლოდ მოუმატებს.

საერთო ჯამში ნაკრების გასმოვლას ამ მსოფლიოზე 10 ქულიდან 6-ს დავუწერდი.

0 კომენტარი
0

მსგავსი პუბლიკაციები

დატოვეთ კომენტარი