მთავარი მთავარი ვლადიმირ ვაისი: ,,ვფიქრობ, რომ ქართული ფეხბურთი ვითარდება”

ვლადიმირ ვაისი: ,,ვფიქრობ, რომ ქართული ფეხბურთი ვითარდება”

ავტორი კახა მიხანაშვილი
541 ნახვა

ლატვიაში გამარჯვების  შემდეგ საქართველოს საფეხბურთო ეროვნული ნაკრების მთავარი მწვრთნელი ვლადიმირ ვაისი პრესკონფერენციაზე ემოციებს ვერ მალავდა.

ქართველთა სლოვაკი თავკაცი აცხადებს, რომ დღეს ის ბედნიერი ადამიანია.  თუმცა ასევე აღნიშნავს იმ ფაქტსაც, რომ საქართველოს ნაკრებმა მხოლოდ პირველი ნაბიჯი გადადგა და სამუშაო კიდევ ბევრი გვაქვს.

საქართველოს ნაკრების ნახევარმცველის გიორგი ჩაკვეტაძის შესახებ განსაკუთრებულად საუბრობს. მისი აზრით, ის შესაძლოა ქართული ფეხბურთის ნამდვილი ვარსკვლავი და ახალგაზარდა ფეხბურთელებისთვის მაგალითი გახდეს.

ვლადიმირ ვაისი: „ბედნიერი ადამიანი ვარ, საქართველოს ნაკრებმა ჯგუფში პირველი ადგილი დაიკავა. რა თქმა უნდა, ეს ჯერ პირველი ნაბიჯია და სამუშაო კიდევ ბევრი გვაქვს. მადლობა ფეხბურთის ფედერაციის ხელმძღვანელობას, რომელმაც ნდობა გამოგვიცხადა და საქართველოს ნაკრებში მუშაობის შესაძლებლბოა მოგვცა. ჯგუფის მოგება ჩვენი მიზანი იყო და ეს შევასრულეთ, ევროპის ჩემპიონატზე თამაშის კარგი შანსი გვაქვს. წინ კიდევ ორი თამაშია და ქულების მოპოვებას შევეცდებით იმისთვის, რომ ევროპის ჩემპიონატის საკვალიფიკაციო ეტაპის წილისყრაზე მეოთხე კალათაში ვიყოთ. ბედნიერი ვარ ფეხბურთელების გამო, ჩვენი ხელმძღვანელობით ეს საუკეთესო შეხვედრა იყო. მაღალი სათამაშო კლასი, მონდომება და სათამაშო დისციპლინა ვაჩვენეთ. ვულოცავ ყველა ქართველს, ყველა ფეხბურთელს და ყველას ვინც მხარდაჭერას გვიცხადებდა, მე დღეს ბედნიერი ადამიანი ვარ.

ყველას დიდი მადლობა ასეთი მხარდაჭრისთვის. ვფიქრობ, რომ ქართული ფეხბურთი ვითარდება, ქართველ ხალხს ფეხბურთი ძალიან უყვარს და დარწმუნებული ვარ, რომ ერთა ლიგის ბოლო შეხვედრაში, ყაზახეთის წინააღმდეგ სტადიონი გაივსება, ეს იქნება ერთგვარი დამშვიდობება ჯგუფურ ეტაპთან. ამას გარდა, არის თამაში ანდორასთან, სადაც ქულების მოპოვება გვსურს, რათა დასახული მიზანი შევასრულოთ. სამუშაო ახლა უფრო მეტი გვაქვს, ვნახოთ როგორ დასრულდება ევროპის ჩემპიონატის საკვალიფიკაციო ეტაპის წილისყრა.

ვფიქრობ, რომ ბევრი ნიჭიერი ფეხბურთელი გვყავს და თუ ყველა ჩაკვეტაძის გზას გაივლის, მე როგორც მწვრთნელი ბედნიერი ვიქნები. ის შესაძლოა ქართული ფეხბურთის ნამდვილი ვარსკვლავი და ახალგაზარდა ფეხბურთელებისთვის მაგალითი გახდეს. მე სამი წელია საქართველოში ვმუშაობ და ამ დღიდან ვაკვირდები ამ ფეხბურთელს, შემიძლია ვთქვა, რომ ისეთი პროგრესი როგორიც ჩაკვეტაძემ განიცადა მე არასდროს მინახავს. კიდევ ერთხეულ ვულოცავ ყველა ქართველს, ეს იყო წინ გადადგმული პატარა ნაბიჯი .“- აცხადებს ლატვიასთან მოგებული მატჩის შემდგმომ პრესკონფერენციაზე საქართველოს ნაკრების მთავარი მწვრთნელი ვლადიმირ ვაისი.

საქართველოს ეროვნულმა ნაკრებმა რიგაში ლატვიის ნაკრები 3-0 გაანადგურა და ჯგუფში პირველი ადგილი ვადაზე ადრე მოიპოვა.  ქართველები ერთა ლიგის 1/2 ფინალში გავიდნენ და ევროპის ჩემპიონატზე მოსახვედრად ბრძოლას აგრძელებენ.

წყარო: საქართველოს ფეხბურთის ფედერაცია

0 კომენტარი
0

მსგავსი პუბლიკაციები

დატოვეთ კომენტარი