მთავარი მსოფლიოიტალია ბაზარი დაიხურა! – მაურო იკარდი და კეიროლ ნავასი “პსჟ”-ში, მხითარიანი “რომაში” აღმოჩნდა

ბაზარი დაიხურა! – მაურო იკარდი და კეიროლ ნავასი “პსჟ”-ში, მხითარიანი “რომაში” აღმოჩნდა

ავტორი კახა მიხანაშვილი
45 ნახვა

ზაფხულის სატრანსფერო ბაზარი ოფიციალურად დაიხურა.

ბოლო დღეს რამდენიმე საინტერესო გარიგება შედგა.

საფრანგეთის ყველაზე მდიდარმა კლუბმა “პსჟ”-მ ორი მნიშვნელოვანი ტრანსფერი გაჩარხა.

პარიზელთა რიგები მეკარე კეიროლ ნავასით და თავდამსხმელ მაურო იკარდით გაძლიერდა.

კოსტა-რიკელმა მეკარემ “პსჟ”-სთან ხელი 4-წლიან კონტრაქტს მოაწერა. გარიგების თანახმად ნავასი დედაქალაქურ კლუბში
2023 წლის ზაფხულამდე დარჩება.
წელს არგენტინელმა მაურო იკარდიმ მილანის “ინტერთან” კონტრაქტი 2022 წლის ზაფხულამდე გაახანგრძლივა. მიუხედავად, ამისა იგი “პსჟ”-ში მაინც გადავიდა. სამხრეთ ამერიკელი ფორვარდი პარიზულ გუნდში იჯარით წესით ითამაშებს. მისი სრულად გამოსყიდვა ფრანგულ გუნდს მომავალი წლის ზაფხულში 70 მილიონი ევროს სანაცვლოდ შეეძლება.
ამ ორი ფეხბურთელის გარდა “პსჟ”-მ ლისაბონის “სპორტინგისაგან” გუნდში იჯარით ხესე როდრიგესიც დაიმატა.

წარუმატებლად დასრულდა ბრაზილიელი ნეიმარის საგა. სამხრეთ ამერიკელი ვარსკვლავი კატალონიურ “ბარსელონაში” ვერ გადავიდა და მინიმუმ ზამთრის სატრანფერო ფანჯრის გახსნამდე პარიზულ კლუბში იასპარეზებს.

სატრანსფერო ფანჯრის ბოლო საათებში იტალიურმა “რომამაც” იაქტიურა.
რომაელებმა სომეხი ჰენრიხ მხითარიანი და ნიკოლა კალინიჩი დაიმატეს.
გუნდიდან კი ჩეხი ფორვარდი პატრიკ შიკი და ფრანგი ნახევარმცველი მაქსიმ გონალონი გაუშვეს.

ჰენრიხ მხითარიანი „რომამ“ იჯარის წესით დაიმატა.
ამისთვის იტალიურმა კლუბმა „არსენალს“ სამი მილიონი ევრო გადაუხადა.
რომაელთა რიგებში სომეხი ფეხბურთელი 77-ნომრიანი მაისურით ითამაშებს.

ხორვატი ნიკოლა კალინიჩი „ატლეტიკოდან“ „რომაში“ იჯარის წესით გადაბარგდა. მისი ტრანსფერი იტალიურ გუნდს 3 მილიონი ევრო დაუჯდა.
კალინიჩს რომში 19-ნომრიანი მაისური ერგო.

0 კომენტარი
0

მსგავსი პუბლიკაციები

დატოვეთ კომენტარი