მთავარი მსოფლიოესპანეთი მსოფლიოს პირველობაზე დრამატულ ბრძოლაში ესპანეთმა იტალიას სძლია

მსოფლიოს პირველობაზე დრამატულ ბრძოლაში ესპანეთმა იტალიას სძლია

ავტორი კახა მიხანაშვილი
31 ნახვა

ჩინეთში მიმდინარე მსოფლიოს საკალათბურთო ჩემპიონატზე დღის, ცენტრალურ ორთაბრძოლაში იტალიისა და ესპანეთის ნაკრებები დაუპირისპირდნენ.

ქალაქ ვუჰანში გამართული მატჩი მოლოდინისამებრ დაძაბული აღმოჩნდა.  მეტოქეებმა გამარჯვების მოსაპოვებლად თავი არ დაზოგეს.

შეხვედრის პირველი მეოთხედი ფრედ 18-18 დასრულდა.  დიდ შესვენებაზე იტალიელების 1 ქულიანი უპირატესობით 31-30 გავიდნენ.

ბოლო ორი პერიოდი უკეთ ესპანეთის ნაკრებმა ჩაატარა და 7 ქულით 67-60 გაიმარჯვა.

გამარჯვებულ გუნდს 16 ქულით “დენვერ ნაგიტსის”  ფორვარდმა ხუანჩო ერნანგომესმა ულიდერა.  15 ქულა “ფინიქს სანსის” გამთამაშებელმა რიკი რუბიომ მიითვალა.  11 ქულა კი მადრიდის “რეალის” კალათბურთელმა სერხიო ლულიმ მოაგროვა.

იტალიის ნაკრების ლიდერმა დანილო გალინარიმ გუნდს 15 ქულა მოუტანა.   “ოკლაჰომა სიტის” მოთამაშეს მხარი 12 ქულით ლუიჯი დატომემ აუბა.

ამავე ჯგუფში ლიდერის მანტია ესპანეთთან ერთად, სერბეთის ეროვნულ ნაკრებს აქვს მოსხმული.   ბალკანელებმა პუერტო რიკოს ნაკრები 43-ქულიანი სხვაობით გაანადგურეს.

სერბეთის გუნდიდან 18 ქულის მოპოვება “საკრამენტო კინგსის” კალათბურთელმა ნემანია ბიელიცამ შეძლო.  “ფილადელფიას”  ცენტრმა ბობან მარიანოვიჩმა 16 ქულა დააგროვა.   ნიკოლა იოვიჩმა თავი 14 ქულას მოუყარა.  12 ქულა შტეფან ბინჩევიჩის ანგარიშზეა, ხოლო 10 ქულა მარკო გუდურიჩმა ჩააგდო.

პუერტო რიკოდან 11 ქულა დავიდ ჰუერტასმა მიითვალა.

J ჯგუფში ამ დროისთვის მდგომარეობა ასეთია:

    1. სერბეთი 4  4  0  413:250 8
    2. ესპანეთი 4 4 0 314:250 8
    3. იტალია 4  2  2  337:282 6
    4. პუერტო რიკო 4  2  2 260:308  6

შემდეგ ტური
8 სექტემბერი
ესპანეთი : სერბეთი
იტალია : პუერტო რიკო

I ჯგუფში არგენტინის ნაკრებმა თანაკონტინენტელი ვენესუელა დამაჯერებლად 20-ქულიანი სხვაობით 87-67 დაამარცხა.  პოლონეთმა კი ჩვენს ჩრდილოელ  მტერ-მეზობლების რუსეთის ნაკრებს 79-74 მოუგო.

ჯგუფში ასეთი სიტუაცია შეიქმნა:

    1. არგენტინა 4  4  0  345:278 8
    2. პოლონეთი  4  4 0  318:282  8
    3. რუსეთი 4  2  2 304:298  6
    4. ვენესუელა 4  2  2 295:297 6

შემდეგ ტური
8 სექტემბერი
პოლონეთი :არგენტინა
რუსეთი : ვენესუელა

0 კომენტარი
0

მსგავსი პუბლიკაციები

დატოვეთ კომენტარი