მთავარი მთავარი რაფაელ ნადალი დანილ მედვედევის წინააღმდეგ – აშშ-ს ღია პირველობაზე ფინალისტები გამოვლინდნენ

რაფაელ ნადალი დანილ მედვედევის წინააღმდეგ – აშშ-ს ღია პირველობაზე ფინალისტები გამოვლინდნენ

ავტორი კახა მიხანაშვილი
26 ნახვა

,,დიდი მუზარადის” ტურნირ ამერიკის ღია პირველობაზე თასი მეოთხე საჩემპიონო ტიტულის მოსაპოვებლად ესპანელი რაფაელ ნადალი იბრძვის.

ყველა დროის ერთ-ერთმა საუკეთესო ჩოგბურთელმა 1/2 ფინალური ბარიერი დამაჯერებლად გადალახა და ტრიუმფამდე ერთი ნაბიჯი აშორებს.

1/2 ფინალში ნადალმა იტალიელ მატეო ბერეტინის 2 საათსა და 39 წუთში მოუგო.   აპენინელმა ჩოგბურთელმა მრისხანე მეტოქეს გვარიანი წინააღმდეგობა მხოლოდ პირველ სეტში გაუწია.   პირველი სეტის ტაიბრეიკით მოგების შემდეგ ესპანელმა დანარჩენილი სეტებში შედარებით იოლად გაიმარჯვა.

საბოლოოდ რაფაელ ნადალმა ბერეტინის 3-სეტში 7-6, 6-4, 6-1 სძლია.

ფინალში ითამაშებს რუსი დანილ მედვედევიც. სლავმა ჩოგბურთელმა ბულგარელ გრეგორი დიმიტროვს 7-6,  6-4, 6-3 მოუგო.

რაფაელ ნადალისა და დანილ მედვედევი ფინალური დაპირისპირება 9 სექტემბერს, შედგება.

0 კომენტარი
0

მსგავსი პუბლიკაციები

დატოვეთ კომენტარი