მთავარი კალათბურთი მსოფლიოს ჩემპიონატზე აშშ-მ კლანჭები გამოაჩინა – საფრანგეთმა ლიეტუვა დაძაბულ ორთაბრძოლაში დაამარცხა

მსოფლიოს ჩემპიონატზე აშშ-მ კლანჭები გამოაჩინა – საფრანგეთმა ლიეტუვა დაძაბულ ორთაბრძოლაში დაამარცხა

ავტორი კახა მიხანაშვილი
52 ნახვა

ჩინეთში მიმდინარე კალათბურთის მსოფლიოს ჩემპიონატზე ტურნირის უმთავრესმა ფავორიტმა აშშ-ს ნაკრებმა ფლეი-ოფში თამაში გაინაღდა.

“დრიმ ტიმმა”  მეორე ჯგუფური ეტაპის პირველ ტურში  საბერძნეთის ნაკრები დამაჯერებლად 16-ქულიანი უპირატესობით 69:56 დაამარცხა.

საბერძნეთის ნაკრებმა მრისხანე მეტოქეს წინააღმდეგობა, მხოლოდ პირველ მეოთხედში გაუწია.  შემდეგ კი ამაერიკელებმა თამაში დაალაგეს და გამარჯვების მოპოვებაც არ გასჭირვებიათ.

აშშ-ს გუნდს 15 ქულით “შარლოტ ჰორნეტსის”  გამთამაშებელმა კემბა უოლკერმა ულიდერა.  10 ქულა “იუტა ჯაზის” კალათბურთელმა დონოვან მიტჩელმა მოაგროვა.   9 ქულა “საკრამენტო კინგისის”  მოთამაშის ჰარისონ ბარნსის ანგარიშზეა, ხოლო 8-8 ქულა ჯაილენ ბრაუნმა და მაილეს ტერნერმა მიითვალეს.

საბერძნეთის ნაკრებიდან გამორჩეული თამაში გუნდის მთავარმა ვარსკვლავმა იანის ანტეტოკოუნმპომ ჩაატარა.  “მილოუკი ბაქსის” კალათბურთელმა ორმაგი დუბლი შეასრულა. მან თავი 15 ქულას და 13 მოხნას მოუყარა.  ელადელებიდან კოსტას სლოუკასმა ამერიკელებს 13 ქულა ჩაუგდო.

ამავე ჯგუფში ჩეხეთის ნაკრებმა ბრაზილიის ნაკრები დიდი ანგარიშით 93-71 გაანადგურა.

K ჯგუფი

  1. აშშ 4 /0  348:257 8 
  2. ჩეხეთი 3/1  340:311 7
  3. ბრაზილია 3/1 336:338 7
  4. საბერძნეთი 2/2 319:305 6

შემდეგი ტური
9 სექტემბერი
აშშ : ბრაზილია
საბერძნეთი : ჩეხეთი

დიდი ბრძოლა გაჩაღდა L ჯგუფში, სადაც ერთმანეთს ევროპული გუნდები ლიეტუვა და საფრანგეთი დაუპირისპირდნენ.   ფრანგები თითქმის მთელი მატჩის განმავლობაში გვარიან უპირატესობას ფლობდნენ და თამაში გამარჯვებამდე დამაჯერებლად მიჰყავდათ, თუმცა ბოლოს ბალტიისპირელებმა იმძლავრეს.  შეხვედრის ბოლო წუთები დრამატული აღმოჩნდა.

საბოლოოდ, ფრანგებმა 3-ქულის სხვაობით 78-75 გაიმარჯვეს.

გამარჯვებული გუნდიდან 24 ქულით ორივე გუნდიდან საუკეთესო მაჩვენებელი “ორლანდო მეჯიკის” კალათბურთელს ევან ფურნიეს ჰქონდა.   ფრანგების ვარსკვლავმა ნანდო დე კოლომ 21 ქულა მიითვალა.  “შარლოტ ჰორნეტსის” მსუბუქმა ფორვარდმა ნიკოლას ბატუმმა გუნდს 12 ქულა შესძინა.

ბალტიისპირელებიდან საუკეთესო “მემფის გრილზის” ცენტრი იონას ვალანჩუნასი იყო.  მან 18 ქულა დააგროვა და ორმაგ დუბლამდე მხოლოდ 2 მოხსნა დააკლდა.   ლიეტუვას ნაკრებს 12 ქულა მანტას კალნიეტისმა მოუტანა.  10-10 ქულის მოპოვება მარიუს გრიგონისმა და ლუკას ლეკავიჩუსმა მოახერხეს.

ამავე ჯგუფში ავსტრალიის ნაკრებმა დომინიკის რესპუბლიკის გუნდს 82-76 მოუგო და ჯგუფიდან ასვლის  რეალური კანდიდატი გახდა.

L ჯგუფი

  1. საფრანგეთი 4/0 349:269 8
  2. ავსტრალია 4/0 358:318 8
  3. ლიეტუვა 2/2 350:281 6
  4. დომინიკი 2/2 282:316 6

შემდეგი ტური
9 სექტემბერი
საფრანგეთი : ავსტრალია
ლიეტუვა : დომინიკის რესპუბლიკა

0 კომენტარი
0

მსგავსი პუბლიკაციები

დატოვეთ კომენტარი