მთავარი მთავარი ტოჩინიშინის წარუმატებელი სტარტი აკი ბაშოზე – პირველი დღე პირველი სენსაცია, ჰაკუჰო დამარცხებულია

ტოჩინიშინის წარუმატებელი სტარტი აკი ბაშოზე – პირველი დღე პირველი სენსაცია, ჰაკუჰო დამარცხებულია

ავტორი კახა მიხანაშვილი
58 ნახვა

სუმოს სამშობლო იაპონიაში სტარტი აკი ბაშომ აიღო.

ტოკიოს “”რიოგოკუ კოკუგიკანის” სასახლეში ერთმანეთს უმაღლესი მაკუუჩი დივიზიონის რიკიშები შეებნენ.

სამწუხაროდ, სექტემბრის ბაშო წარუმატებლად ქართველმა სუმიტორმა ტოჩინოშინმა დაიწყო.
ლევან გორგაძე სასტარტო ორთაბრძოლა დასავლეთის მე-2 მაეგაშირა მონღოლ იჩინოჯოსთან წააგო.

აზიელმა მებრძოლმა ქართველი ოძეკი უვატენაგეს ილეთით დაამარცხა.

ლევან გორგაძისთვის ეს ბაშო ძალიან მნიშვნელოვანია, რადგან ოძეკის პრესტიჟული წოდების შესანარჩუნებლად კაჩი-კოშის ანუ დადებითი ბალანსის დაფიქსირება აუცილებლად ესაჭიროვება.
ამისთვის, კი ბაშოზე მინიმუმ 8 მოგება სჭირდება.

ხვალ, ტოჩინოშინი კიდევ ერთ მე-2 მაეგაშირას დაუპირისპირდება. ლევანის მეტოქე იაპონელი ასანოიამა იქნება.
დღეს, ასანოიამამ სეკივაკე მიტაკეუმის ოშიდაშით სძლია.

აკი ბაშოს პირველ დღეს
პირველი დიდი სენსაცია დაფიქსირდა.
იაპონიის მოქალაქეობა მიღებულმა ლეგენდარულმა მონღოლმა იოკოძუნა ჰაკუჰომ ორთაბრძოლა პირველ მაეგაშირა ჰოკუტოფუჯისთან დათმო.
ჰოკუტოფუჯიმ მრისხანე მეტოქე დოჰიოდან იორიკირით გადადგა.

პირველი გამარჯვები მონღოლმა იოკოძუნა კაკურიუმ და ოძეკმა გოეიდომ მოიპოვეს.

კაკურიუმ დღის დასკვნით ბრძოლაში კომოსუბი ენდოსთან ჰატაკიკომით გაიმარჯვა.
ოძეკმა გოეიდომ პირველი მაეგაშირა აოიამა დაამარცხა.

ხვალ, ჰაკუჰო მიმდინარდ ბაშოზე პირველ მოგებას კომოსუბი აბისთან შეეცდება.

კაკურიუს წინაშე კი იოკოძუნა ჰაკუჰოს მძლეველი ჰოკუტოფუჯი დადგება.

გოეიდო კი საუკეთესოს იჩინოჯოსთან გაარკვევს.

 

0 კომენტარი
0

მსგავსი პუბლიკაციები

დატოვეთ კომენტარი