მთავარი მთავარი უძლიერესი გუნდით ფინეთში! ახალგაზრდა ძიუდოისტები ევროპისთვის დაირაზმნენ

უძლიერესი გუნდით ფინეთში! ახალგაზრდა ძიუდოისტები ევროპისთვის დაირაზმნენ

739 ნახვა

მოვილეთ ძიუდოს ქომაგებმა მსოფლიოს ჩემპიონატი, შემდეგ ემოციებით დატვირთულებმა რამდენიმე დღით უფლება მივეცით თავს განტვირთის და ახლა ისეც საქმეში ვართ. ამჯერად ჩვენი ახალგაზრდა ფალავნები გვყავს საგულშემატკივრო, რომლებიც ფინურ ვანტააში გასამართ კონტინენტურ პირველობაზე მიიღებენ მონაწილეობას 12-15 სექტემბერს.

ჰელსინკის ქალაქ-თანამგზავრში ევროპული მედლებისთვის 44 ქვეყნის 360-მდე გოგო-ბიჭი გაეჯიბრება ერთმანეთს.

უძლიერესი გუნდით მიიღებს ტურნირში მონაწილეობას საქართველო. ვაჟთა ნაკრების თავკაცებმა ლაშა გუჯეჯიანმა და გია ბოჭოიძემ სრულად გამოიყენეს დადგენილი ქვოტა, ოღონდ 2 წონა საერთოდ გამოტოვო – 60 და 73 და სამაგიეროდ ოთხი გააორა.  გოგონათა მწვრთნელებმა გია თენაძემ და კახა მოცრაძემ კი 5 შეგირდზე შეაჩერეს არჩევანი.

შემადგენლობები ასეთია:

ვაჟები:

66 კგ – გიორგი თუთაშვილი, ლუკა კაპანაძე

81 კგ – ტატო გრიგალაშვილი, ვლადიმერ ახალკაცი

90 კგ – ლაშა ბექაური, მიხეილ ბექაური

100 კგ – ილია სულამანიძე

+100 კგ – გელა ზაალიშვილი, საბა ინანეიშვილი

გოგონები:

48 კგ – ნატალია ყიფშიძე

57 კგ – ეთერ ლიპარტელიანი

70 კგ – მარიამ ჭანტურია

+78 კგ – სოფიო სომხიშვილი, სალომე მაყიშვილი

ორიოდე სიტყვით განრიგზეც:

წილისყრა 11-შია, 12-14 რიცხვები ინდივიდუალურ პირველობას დაეთმობა, ხოლო 15 გუნდურ ასპარეზობას.

0 კომენტარი
0

მსგავსი პუბლიკაციები

დატოვეთ კომენტარი