მთავარი მთავარი ტოჩინოშინმა აკი ბაშოზე პირველი გამარჯვება იზეიმა

ტოჩინოშინმა აკი ბაშოზე პირველი გამარჯვება იზეიმა

ავტორი კახა მიხანაშვილი
37 ნახვა

დღეს, სუმოს სამშობლო იაპონიაში მიმდინარე სუპერტურნირ აკი ბაშოზე მე-3 დღის ორთაბრძოლები შედგა.

ქართველმა ოძეკმა ტოჩინოშინმა ნავსი გატეხა და სექტემბრის ბაშოზე პირველი გამარჯვება მოიპოვა.

ლევან გორგაძემ დრამატულ ბრძოლაში პირველი მაეგაშირა იაპონელი ჰოკუტოფუჯი დაამარცხა.   ქართველმა იოკოძუნა ჰაკუჰოს მძლეველ ამომავალი მზის ქვეყნის შვილს იორიტაოშის ილეთით სძლია.

ტოჩინოშინს განვლილი 3 დღის შემდეგ აკი ბაშოზე 1 მოგება და 2 მარცხი გააჩნია.

ხვალ, ლევან გორგაძეს დიდი ორთაბრძოლის გადატანა მოუწეს.   ქართველის წინააღმდეგ დოჰიოზე იაპონელი კომოსუბი აბი დადგება.

დღეს, მორიგი დაპირისპირება ბაშოზე შემორჩენილმა ერთადერთმა იოკოძუნა კაკურიუმ მოიგო.  მონღოლმა რიკიშიმ პირველი მაეგაშირა ბულგარელი აოიამა ჰატაკიკომით დაამარცხა.

კაკურიუს მიმდინარე ბაშოზე ჯერჯერობით 100%-იანი ბალანსი 3-0  გააჩნია.

სექტემბრის ბაშოზე პირველი მარცხი ოძეკმა გოიედომ განიცადა.  იგი კომოსუბი ენდოსთან იორიკირით დამარცხდა.

ხვალ,  კაკურიუ მე-2 მაეგაშირა მონღოლ იჩინოჯოს დაუპირისპირდება.  ოძეკი გოიედო კი პირველ მაეგაშირა ჰოკუტოფუჯის შეერკინება.

0 კომენტარი
0

მსგავსი პუბლიკაციები

დატოვეთ კომენტარი