მთავარი კალათბურთი სენსაცია მსოფლიოს პირველობაზე – არგენტინამ სერბეთი საჩემპიონო მარათონს ჩამოაცილა და 1/2 ფინალში გავიდა

სენსაცია მსოფლიოს პირველობაზე – არგენტინამ სერბეთი საჩემპიონო მარათონს ჩამოაცილა და 1/2 ფინალში გავიდა

ავტორი კახა მიხანაშვილი
35 ნახვა

ჩინეთში მიმდინარე მსოფლიოს ჩემპიონატზე პირველი 1/2 ფინალისტი გამოვლინდა.

ქალაქ დონგუანში გამართულ ორთაბრძოლაში არგენტინის ეროვნულმა ნაკრებმა ტურნირის ერთ-ერთი ფავორიტის სერბეთი 10-ქულიანი სხვაობით 97:87 დაამარცხა.

სამხრეთ ამერიკელებმა ბრწყინვალე შეხვედრა ჩაატარეს. მათ ბალკანელებს ოთხიდან 3 პერიოდი მოუგეს.

შეხვედრის პირველი მეოთხედში არგენტინამ 25:23 გაიმარჯვა. დიდი შესვენების წინ კი სერხიო ერნენდესის შეგირდები 54-49 უპირატესობით გავიდნენ.   დარჩენილი ორი პერიოდიც დაძაბული გამოდგა და საბოლოოდ, არგენტინამ სერბეთს სძლია.

არგენტინის ნაკრებიდან ვეტერანმა კალათბურთელმა ლუის  სკოლამ გაიბრწყინა.  39 წლის მძიმე ფორვარდმა 20 ქულა მოიპოვა.   მადრიდის “რეალის” გამთამაშებელმა ფაკუნდო კამპაცომ ორმაგი დუბლი შეასრულა.  მან 18 ქულასთან ერთად თავი 12 შედეგიანი გადაცემითაც გამოიჩინა.   15 ქულა ფაბრიციო გარინოს ანგარიშზეა, ხოლო მეტოქეს 13 ქულა გაბრიელ დეკმა ჩაუგდო.

სერბეთის ნაკრებიდან ყველაზე მეტი 21 ქულა “საკრამენტო კინგსის” კალათბურთელმა ბოგდან ბოგდანოვიჩმა მიითვალა.   ნაკრების ლიდერს მხარი  ნემანია ბიელიცამ აუბა.  “საკრამენტო კინგსის” ფორვარდმა 18 ქულა დააგროვა.  “დენვერ ნაგითსის”  მოთამაშე ნიკოლა იოკიჩმა ორმაგი დუბლი გაიფორმა.  მის ანგარიშზე  16 ქულა და 10 მოხნა დაფიქსირდა.  ვლადიმირ ლუჩიჩმა კი თავი 12 ქულას მოუყარა.

არგენტინის ნაკრებ 1/2 ფინალში გავიდა და აშშ-სა და საფრანგეთის ნაკრებების ორთაბრძოლას დაელოდება.   ამერიკულ-ევროპულ დაპირისპირებაში გამარჯვებული სამხრეთ ამერიკელტა მეტოქე გახდება.

 

0 კომენტარი
0

მსგავსი პუბლიკაციები

დატოვეთ კომენტარი