მთავარი კალათბურთი ესპანეთის ნაკრები მსოფლიოს ჩემპიონატის 1/2 ფინალში გავიდა

ესპანეთის ნაკრები მსოფლიოს ჩემპიონატის 1/2 ფინალში გავიდა

ავტორი კახა მიხანაშვილი
46 ნახვა

ჩინეთში მიმდინარე მსოფლიოს საკალათბურთო ჩემპიონატზე ესპანეთის ნაკრებმა 1/2 ფინალის საგზური მოიპოვა.

ქალაქ შანხაიში გამართულ ორთაბრძოლაში სერჯიო სკარიოლოს შეგირდებმა პოლონეთის ნაკრები 12-ქულიანი სხვაობით 90:78 დაამარცხეს.

პირინიელებმა მატჩი ბრწყინვალედ ჩაატარეს. მათ ოთხიდან ოთხივე პერიოდი თავის სასარგებლოდ დაამთავრეს.

ესპანეთის ნაკრებს რიკი რუბიომ და ვილი ერნანგომესმა ულიდერეს. “შარლოტ ჰორნეტსის”  ცენტრმა ერნანგომესმა  18 ქულა ჩააგდო, ხოლო “ფინიქს სანსის”  კალათბურთელმა  რუბიომ კი 19 ქულა დააგროვა.  რიკის ორმაგ დუბლამდე 1 მოხსნა დააკლდა.

მადრიდის “რეალის”  ვეტერანმა მოთამაშემ რუდი ფერნანდესმა გუნდს 16 ქულა შესძინა.   “დენვერ ნაგითსის” ფორვარდმა ხუან ერნანგომესმა თავი 14 ქულას მოუყარა.   10 ქულა “ტორინტო რეპტორსის” ცენტრის 34 წლის ვეტერანის მარკ გასოლის ანგარიშზეა.

პოლონეთის ნაკრებიდან 19 ქულით გუნდის ნატურალიზებული გამთამაშებელი ა.ჯ. სლაგტერი გამოირჩა.   “უნიკახას” კალათბურთელმა ადამ ვაცზინსკიმ 15 ქულა მიითვალა.  11 ქულას მიხაელ სოკოლოვსკიმ უწია.   დამიან კულიგმა 10 ქულა მოიპოვა.  ორმაგ დუბლის დაფიქსირებასთან ახლოს მატეუს პოტინკა იყო.   ყუბანის “ლოკომოტივის” გამტამაშებელმა 9 ქულა და 11 მოხსნა მოაგროვა.

ესპანეთის ნაკრები მსოფლიოს პირველობის 1/2 ფინალში გავიდა. იქ კი მისი მეტოქე ავსტრალიასა და ჩეხეთს შორის საუკეთესო იქნება.

0 კომენტარი
0

მსგავსი პუბლიკაციები

დატოვეთ კომენტარი