მთავარი კალათბურთი დიდი სენსაცია მსოფლიოს ჩემპიონატზე – საფრანგეთმა ტურნირიდან ფავორიტი აშშ-ს ნაკრები გააგდო

დიდი სენსაცია მსოფლიოს ჩემპიონატზე – საფრანგეთმა ტურნირიდან ფავორიტი აშშ-ს ნაკრები გააგდო

ავტორი კახა მიხანაშვილი
77 ნახვა

ჩინეთში მიმდინარე მსოფლიოს პირველიბის 1/4 ფინალში დიდი სენსაცია დაფიქსირდა.

ტურნირს მსოფლიოს ჩემპიონის რანგში მოასპარეზე აშშ-ს ნაკრები გამოეთიშა.

ქალაქ დონგუანში გამართულ ბრძოლაში ე.წ. “დრიმ ტიმმა” საფრანგეთის ეროვნულ ნაკრებთან 10-ქულიანი სხვაობით 79-89 წააგო.

შეხვედრის პირველი პერიოდი ფრედ 18:18 დასრულდა.
მეორე მეოთხედში ფრანგებმა იმძლავრეს და დიდ შესვენებაზე 6-ქულიანი უპირატესობით 45:39 გავიდნენ.

მესამე პერიოდის შემდეგ წინ ისევ ამერიკელები იყვნენ.
ბოლო 10-წუთიანი ტაიმის წინ ანგარიში იანკების სასარგებლოდ 66-63 იყო.
ბოლოს კი ევროპელებმა გაილაღეს და შეხვედრაც გამარჯვებამდე მიიყვანეს.

გამარჯვებული გუნდიდან ევან ფურნიეს, რუდი გობერტისა და ნანდო დე კოლოს ტრიომ იყოჩაღეს.

“ორლანდო მეჯიკის” კალათბურთელმა ფურნიემ 22 ქულა მოაგროვა. 21 ქულა “იუტა ჯაზის” ცენტრმა გობერტმა მიითვალა.
ფრანგების 32 წლის გამთამაშებელმა დე კოლომ თავი 18 ქულას მოუყარა
11 ქულის დაგროვება ფრენკ ტილიკინამ მოახერხა.

ამერიკელებს 29 ქულით “იუტა ჯაზის” გამთამაშებელმა დონოვან მიტჩელმა ულიდერა. “ბოსტონ სელტიკსის” კალათბურთელმა მარკუს სმარტმა 11 ქულა უწია. “შარლოტ ჰორნეტსის” გამთამაშებელმა კემბა უოლკერმა მეტოქეს 10 ქულა ჩაუგდო.

საფრანგეთის ნაკრები მსოფლიოს ჩემპიონატის 1/2 ფინალში გავიდა. იქ კი მისი მეტოქე არგენტინის ეროვნული გუნდი იქნება.

ზემოთაღნიშნული ორთაბრძოლა 13 სექტემბერს, შედგება.

0 კომენტარი
0

მსგავსი პუბლიკაციები

დატოვეთ კომენტარი