მთავარი კალათბურთი ავსტრალიის ნაკრებმა მსოფლიოს ჩემპიონატზე 1/2 ფინალის საგზური მოიპოვა

ავსტრალიის ნაკრებმა მსოფლიოს ჩემპიონატზე 1/2 ფინალის საგზური მოიპოვა

ავტორი კახა მიხანაშვილი
29 ნახვა

ჩინეთში მიმდინარე მსოფლიოს ჩემპიონატზე ბოლო 1/2 ფინალისტი გამოვლინდა.

ავსტრალიის ნაკრებმა 1/4 ფინალურ დაპირისპირებაში ჩეხეთის გუნდს 12-ქულიანი სხვაობით 82:70 სძლია.

ქალაქ შანხაიში გამართული შეხვედრის ბედი მესამე პერიოდში გადაწყდა. აღნიშნული მეოთხედი ავსტრალიელებმა 12 ქულით მოიგეს.
ბოლო 10-წუთიანი ტაიმის წინ ჩეხები 15-ქულის სხვაობით აგებდნენ.

საბოლოოდ, ავსტრალიის ნაკრებმა მატჩი გამარჯვებამდე მიიყვანა.

მოგებული გუნდიდან ყველაზე მეტი 24 ქულა  “სან ანტონიოს” გამთამაშებელმა პატი მილსმა დააგროვა. 14 ქულით კრის გოულდინგი გამოირჩა. 10 ქულა ანდრეუ ბოგუტმა მიითვალა.

ჩეხეთის ნაკრებს 21 ქულით პატრიკ აუდამ ულიდერა. 13 ქულას თავი ტომას სატორანსკიმ მოუყარა. ევროპელებს 10 ქულა პაველ პუმპლამ შესძინა.

ავსტრალიის ნაკრები პლანეტის პირველობის 1/2 ფინალში ესპანეთის ნაკრებს დაუპირისპირდება.

მატჩი 14 სექტემბერს, შედგება.

0 კომენტარი
0

მსგავსი პუბლიკაციები

დატოვეთ კომენტარი