მთავარი მთავარი მსოფლიოს ჩემპიონატისთვის საქართველოს ძალოსანთა ნაკრების შემადგენლობა ცნობილია

მსოფლიოს ჩემპიონატისთვის საქართველოს ძალოსანთა ნაკრების შემადგენლობა ცნობილია

ავტორი კახა მიხანაშვილი
55 ნახვა

საქართველოს ძალოსნობის ნაკრების მთავარმა მწვრთნელმა ოლიმპიურმა ჩემპიონმა გიორგი ასანიძემ ტაილანდში გასამართ მსოფლიოს ჩემპიონატისთვის შემადგენლობა დაასახელა.

მსოფლიოს პირველობას სრულ მზადყოფნაში საქართველოს ყველა დროის ერთ-ერთი საუკეთესო ძალოსანი ლაშა ტალახაძე ხვდება.
ოლიმპიური, მსოფლიოს 3-გზისა და ევროპის 4-გზის ჩემპიონი, ტურნირზე მოქმედი ჩემპიონის რანგში გამოვა.

უძლიერესი ქართველი ძალოსანი  მორიგი ტიტულების, მედლების და რეკორდების მოსაპოვებლად იბრძოლებს.
ნაკრებს მძიმე წონაში კაპიტანი ირაკლი თურმანიძე ტრავმის გამო დააკლდება.

მსოფლიოს ჩემპიონატზე 2020 წლის ტოკიოს ოლიმპიური თამაშების სალიცენზიო ქულები გათამაშდება.

ქართველები პლანეტის პირველობისთვის დუშეთში 20 აგვისტოდან ემზადებიან.
ჩვენი ძალოსნები ტაილანდში
15 სექტემბერს, გაემგზავრება.

გიორგი ასანიძის რჩეულთა სია ასეთია:

61 კგ.
შოთა მიშველიძე, გოდერძი ბერდელიძე;

67 კგ. გოგა ჩხეიძე;

73 კგ.
კახი ასანიძე,
არჩილ მალაყმაძე;

89 კგ.
რევაზ დავითაძე;

96 კგ. ანტონ პლესნოი;

102 კგ. ირაკლი ჩხეიძე;

+ 109 კგ. გიორგი ჩხეიძე, ლაშა ტალახაძე.

81 კგ.
ლომია თებიძე (რეზერვი)

ძალოსნობის მსოფლიოს ჩემპიონატი სტარტს 17 სექტემბერს, აიღებს და 28 სექტემბრამდე გასტანს.

შეჯიბრება ტაილანდის ქალაქ პატაიაში გაიმართება.

ლაშა ტალახაძე ფიცარნაგზე ტურნირის დასკვნით დღეს გამოვა.

0 კომენტარი
0

მსგავსი პუბლიკაციები

დატოვეთ კომენტარი