მთავარი მთავარი თუთაშვილი და ლიპარტელიანი ევროპაში პირველები არიან

თუთაშვილი და ლიპარტელიანი ევროპაში პირველები არიან

43 ნახვა

პირველი მედალოსნები გამოვლინდნენ ფინურ ვანტააში დღეს დაწყებულ ევროპის პირველობაზე ძიუდოში ახალგაზრდებს შორის და ქართველმა ფალავნებმაც პირველსავე დღეს აჩვენებს თუ ვინაა ევროპაში ნომერ პირველი სპორტის ამ სახეობაში.

ენერჯი არენაზე “თავისუფლება” ორჯერ აჟღერდა გიორგი თუთაშვილისა და ეთერ ლიპარტელიანის პატივსაცემად.

არც ტექნიკა დაეწუნება გიორგი თუთაშვილს და არც ჯანში მოიკოჭლებს, მაგრამ მისი უმთავრესი იარაღი გამორჩეული საჭიდაო ინტელექტია და ეს დღეს კიდევ ერთხელ დამტკიცდა. გზად 66 კილოს ოქრომდე ჩატარებულ ხუთივე პაექრობაში 20 წლის ქუთაისელმა ფალავნმა ტაქტიკურად უმაღლესი დონის ძიუდო აჩვენა და შედეგიც შესაბამის დადგა – ოქროთი დაიმშვენა მკერდი.

ბუნებრივია ყველაზე გამოსარჩევი შეხვედრები ფინალები და ნახევარფინალებია ხოლმე და გიორგისაც სწორედ ამ ეტაპებზე მოუწია ნამდვილი ომის გადატანა. ოთავე შემთხვვეაში – აზერბაიჯანელ იბრაჰიმ ალიევთან და მოლდოველ ადილ ოსმანოვთან საქმე ოქროს დრომდე მივიდა, მაგრამ ასეთ მოგებები ალბათ უფრო ტკბილია და ემოციური.

ქარბორბალასავით გადაურბინა ეთერ ლიპარტელიანმა 57 კილოს ფალავნებს და შარშანდელი ვერცხლი ოქროში გადაცვალა. ჩვენმა გოგომ ხორვატი ბორტაი, გერმანელი ბალჰაუსი და ჰოლანდიელი კორნელისი ჩვენებური ხაბარელით, ერთ-ერთი ულამაზესი გდებით, დადო ბეჭებზე, ფინალში კი ასევე ჩვენებური ბრუნით გაიასროლა იპონზე იტალიელი სილვია პერალეტი.

სტარტი იდეალური გვაქვს და იმედია გაგრძელება უკეთესი იქნება!

0 კომენტარი
0

მსგავსი პუბლიკაციები

დატოვეთ კომენტარი