მთავარი კალათბურთი ესპანეთის ნაკრებმა მსოფლიოს ჩემპიონატის ფინალში ორი ოვერტაიმის შემდეგ გააღწია

ესპანეთის ნაკრებმა მსოფლიოს ჩემპიონატის ფინალში ორი ოვერტაიმის შემდეგ გააღწია

ავტორი კახა მიხანაშვილი
47 ნახვა

ჩინეთში მიმდინარე მსოფლიოს საკალათბურთო ჩემპიონატზე პირველი  ფინალისტი გამოვლინდა.

ესპანეთის ნაკრებმა დრამატულ ორთაბრძოლაში ავსტრალიის გუნდი 95:88 დაამარცხა.  პეკინში გამართული მატჩის გამარჯვებულის გამოსავლენად საჭირო 2 ოვერტაიმი გახდა.

მატჩის პირველი პერიოდი ეპანელებმა მინიმალური სხვაობით 22:21 მოიგეს.   დიდი შესვენების წინ კი  შეხვედრას ავსტრალია 37:32 იგებდა.

ესპანელებმა მესამე და მეოთხე მეოთხედში საქმეები გამოასწორეს და შეხვედრა ოვერტაიმამდე მიიყვანეს.

პირველმა ოვერტაიმმა გამარჯვებული ვერ გამოავლინა.  ორივე გუნდმა მოწინააღმდეგის ბადეში მხოლოდ 9-9 ქულა გააგდო.

მეორე დამატებთ ტაიმში უფრო მეტი ძალები ევროპელებს შერჩათ.  მათ ავსტრალიელებს 15:8 მოუგეს.

საბოლოოდ, დამქანცველ ორთაბრძოლაში   წარმატებას ესპანეთის ნაკრებმა მიაღწია და მსოფლიოს პირველობის ფინალში ითამაშებს.

ესპანეთიოს ნაკრებიდან ყველაზე მეტი 33 ქულა “ტორონტო რეპტორსის” ცენტრმა მარკ გასოლმა დააგროვა.  რიკი რუბიომ ორმაგი დუბლი შეასრულა.  “ფინიქს სანსის” გამთამაშებელმა 19 ქულა და 12 მოხსნა მიითვალა.  მადრიდის “რეალის” კალათბურთელმა სერხიო ლულიმ 17 ქულა მოიპოვა.

ავსტრალიის ნაკრები ლიდერმა პატი მილსმა გუნდს 34 ქულა შესძინა.  “სან ანტონიოს” გამთამაშებელმა პარკეტზე 45:02 წუთი დაჰყო.  16 ქულას თავი ნიკ კეიმ მოუყარა.  ანდრეუ ბოგუტმა 12 ქულას უწია.

ესპანეთის ნაკრები პლანეტის პირველობის ფინალში საფრანგეთისა და არგენტინის ნაკრებს შორის გამარჯვებულს დაუპირისპირდება.

ფინალი 15 სექტემბერს, შედგება.

0 კომენტარი
0

მსგავსი პუბლიკაციები

დატოვეთ კომენტარი