მთავარი კალათბურთი დუდუ დადიანის მემორიალზე “დინამომ” მარნეულის “დელტასთანაც” წააგო

დუდუ დადიანის მემორიალზე “დინამომ” მარნეულის “დელტასთანაც” წააგო

ავტორი კახა მიხანაშვილი
336 ნახვა

დღეს, ოლიმპიურ სასახლეში მიმდინარე საკალათბურთო ტურნირ დუდუ დადიანის მემორიალზე მე-2 ტურის შეხვედრები გაიმართა.

A ჯგუფში საქართველოს ჩემპიონმა თბილისის “დინამომ” მეორე შეხვედრაც წააგო. ამჯერად საქართველოს ყველაზე ტიტულოვანი გუნდი მარნეულის “დელტასთან” სოლიდური ანგარიშით 73 – 84 დამარცხდა.

მთელი თამაშის განმავლობაში წინ მარნეულელები იყვნენ.  რაც საბოლოო ანგარიშშიც აისახა.

გამარჯვებული გუნდიდან ყველაზე მეტი 24 ქულა ბექა ბექაურმა მოაგროვა.    საბა ლობჟანიძემ თავი 18 ქულას მოუყარა.  რობ ბრანდენბერგი კი 11 ქულით გამოირჩა.

“დინამოდან” საქართველოს ნაკრების კალათბურთელმა მიხეილ ბერიშვილმა 18 ქულა დააგროვა. 11-11 ქულა კი რეჯერ დოუელმა, ლევან გრძელიძემ და დემაგოი ბუბალომ მოიპოვეს.

ამავე ჯგუფში “რუსთავმა”  “ბათუმს”  70 – 56 სძლია.

ქვემო ქართლელებიდან 20 ქულა ისააკ ბენქსმა ჩააგდო.   რუდოლფ ჯოლი გუნდს 18 ქულით შეეწია. ლევან გოგალაძემ 11 ქულას უწია. 

ზღვისპირელებიდან 10-ქულიან ზღვარს მხოლოდ  ავთანდილ ლომინაშვილმა მიაღწია. მის ანგარიშზე 16 ქულა დაფიქსირდა.

სატურნირო ცხრილში მდგომარეობა ასეთია:

1  დელტა 2 2 0 4
2. რუსთავი 2 1 1 3
3. თსუ-ჰიუნდაი 1 1 0 2
4. დინამო 2 0 2 2
5. ბათუმი 1 0 1 1

B ჯგუფში “ქუთაისმა”  ტურნირზე  პირველი თამაში ჩაატარა და პირველი გამარჯვება მოიპოვა.  იმერლებმა “მგზავრები” 81 – 74 დაამარცხეს.

გამარჯვებული გუნდიდან 15-15 ქულით  ლევან ფაცაცია და დავით ლომიძე გამოირჩნენ.  14 ქულა აკაკი დვალიშვილმა დააგროვა, ხოლო აკაკი ლომოურმა 12 ქულა დააგროვა.

“მგზავრებიდან” კი ქულები ძირითადად ლეგიონერებმა დააგროვეს.    ადრიან ბოუიმ 23,  ემანუელ ნდუმანია 12,  ჯეიკობ ამტრონგმა კი 11 ქულა მოაგროვეს.  რევაზ ჩაჩანიძემ თავი 18 ქულას მოუყარა. 

ამავე ჯგუფში დრამატულ ორთაბრძოლაში “შსს აკადემია ტიტებმა” 2-ქულის სხვაობით 78 – 76 “კაკტუსს”  სძლიეს.

ძალოვანთა გუნდიდან ყველაზე მეტი 20 ქულა ჟოელ ალმეიდამ ჩააგდო.   გუნდს 19 ქულით   დრრაკან შეკელია შეეწია.  16 ქულა საქართელოს ნაკრების კალათბურთელმა ილია ლონდარიძემ დააგროვა.  12 ქულა დენიელ აფჩერჩის ანგარიშზეა, ხოლო 10 ქულა ბესიკ ლეჟავამ უწია.

“კაკტუსის” შემადგენლობაში  ჯალენ მაკგაუგიმ 19 ქულას უწია.  ბექა ჩიკვილაძემ 16 ქულა მოიპოვა.   თამაში 14 ქულით გიორგი ტურძელაძემ დაასრულა.

აქვე გაეცანით ამ ჯგუფის სატურნირო ცხრილს:

1. მგზავრები 2 1 1 3
2. ტიტები 2 1 1 3
3. ქუთაისი 1 1 0 2
4. ოლიმპი 1 1 0 2
5. კაკტუსი 2 0 2 2

დუდუ დადიანის მემორიალზე მე-3 ტურის მატჩები ხვალ, გაიმართება.

ტურნირზე დამსწრეების მსურველებს თბილისის ოლიმპიური სასახლე დილის 12:00 საათიდან უმასპინძლებს.

0 კომენტარი
0

მსგავსი პუბლიკაციები

დატოვეთ კომენტარი