მთავარი კალათბურთი ესპანეთის ნაკრები მსოფლიოს ჩემპიონია

ესპანეთის ნაკრები მსოფლიოს ჩემპიონია

ავტორი კახა მიხანაშვილი
54 ნახვა

ჩინეთში მიმდინარე მსიფლიოს საკალათბურთო ჩემპიონატი ესპანეთის ნაკრების ტრიუმფალური გამარჯვებით დაგვირგვინდა.

დედაქალაქ პეკინში გამართულ გადამწყვეტ შეხვედრაში ესპანებმა არგენტინის ნაკრები ყველა საკალათბუთო კომპონენტში დაჩაგრეს. ევროპელებმა დამაჯერებლად მოიგეს და პლანეტის პირველობის თასი ისტორიაში მეორედ აღმართეს.

სერჯიო სკარიოლოს შეგირდებმა სამხრეთ ამერიკელებს ყველა პერიოდში სძლიეს და 20-ქულიანი სხვაობით 95-75 გაიმარჯვეს.

ესპანეთის ნაკრებიდან ყველაზე მეტი 20 ქულა “ფინიქს სანსის” გამთამაშებელმა რიკი რუბიომ მიითვალა.
14 ქულით “ტორონტო რეპტორსის” ცენტრი მარკ გასოლი გამოირჩა.
მადრიდის “რეალის” კალათბურთელმა სერხიო ლულიმ თავი 13 ქულას მოუყარა.
11-11 ქულა ძმებმა ვილი და ხუანჩო ერნანგომესებმა, ასევე რუდი ფერნანდესმა დააგროვეს.

არგენტინის ნაკრების სუპერვარსკვლავმა ლუის სკოლამ ამჯერად ჩვეულ სტილში ვერ გაიბრწყინა. მან გუნდს მხოლოდ 8 ქულა შესძინა.
სკოლას ნაცვლად ამჯერად არგენტინის ნაკრებს გაბრიელ დეკიმ ულიდერა. მადრიდის “რეალის” კალათბურთელმა 24 ქულის მოპოვება მოახერხა.
17 ქულა ნიკოლას ლაპროვიტოლას ანგარიშზეა, ფაკუნდო კამპასო 11ქულას უწია.

საბოლოოდ, ესპანელმა კალათბურთელებმა ოქროს მედლები დაისაკუთრეს.

მსოფლიოს ჩემპიონატის MVP-ს წოდება რიკი რუბიომ დაიმსახურა.

აქვე გაიცანით მსოფლიოს ჩემპიონებს:
ხავიერ ბეირანი, ვიქტორ კლავერი, ქუინო კოლომი, რუდი ფერნანდესი, მარკ გასოლი, ხუანჩო ერნანგომესი, ვილი ერნამგომესი, სერხიო ლული, პიერე ორიოლა, ხავიერ რაბასედა, პაუ რიბასი, რიკი რუბიო.
მთავარი მწვრთნელი იტალიელი სერჯიო სკარიოლო

0 კომენტარი
0

მსგავსი პუბლიკაციები

დატოვეთ კომენტარი