მთავარი ჭიდაობაბერძნულ-რომაული ქაჯაიამ მსოფლიოზეც იყოჩაღა! ბერძენ-რომაელებზე 3 მედალს და 2 ლიცენზიას უწიეს

ქაჯაიამ მსოფლიოზეც იყოჩაღა! ბერძენ-რომაელებზე 3 მედალს და 2 ლიცენზიას უწიეს

143 ნახვა

წარმატებულად დაიწყეს და წარმატებულადვე დაამთავრეს ჩვენმა ბერძნულ-რომაული სტილით მოჭიდავებმა ასპარეზობა ყაზახურ ნურ-სულთანში მიმდინარე მსოფლიოს პირველობაზე. 12-წლიანი პაუზის შემდეგ ისევ გვყავს ჩემპიონი, თანაც ორი, ამასთან გავინაღდეთ ტოკიოს 2020 წლის ოლიმპიადის 2 ლიცენზია და ამ ყველაფერს 1 ბრინჯაო და გუნდური მე-3 ადგილიც დავუმატეთ.

ტურნირის პირველივე საფინალო დღეს პლანეტის უძლიერესები ნუგზარ წურწუმია (55კგ) და ლაშა გობაძე (82კგ) გახდნენ, დასკვნით დღეს მედალოსანთა რიგს იაკობ ქაჯაიც შეუერთდა.

შესაშურ სეზონს ატარებს 130 კილოში მოჭიდავე წყალტუბოელი ფალავანი. ევროპის ჩემპიონატზე და ევროპულ თამაშებზე ვიცეჩემპიონი გახდა და ახლა მსოფლიო კვარცხლბეკსაც უწია კარიერაში ჯერჯერობით პირველად. ბრინჯაოსთვის შეხვედრაში ქაჯაიამ საკმაოდ გამოცდილ გერმანელ ედუარდ პოპს 5:0 სძლია.

საერთო გუნდურ ჩათვლაში ბექა როყვას შეგირდები 79 ქულით მესამენი არიან.

რაც შეეხება 2020 წლის ოლიმპიადის ლიცენზიებს, მათ საუკეთესო ექვსეულში მოხვედრილები იღებდნენ. ჩვენი ნაკრებიდან კი ასეთი 2 იყო – ზემოთხსენებული იაკობ ქაჯაია და 97 კილოში გიორგი მელია, რომელიც სამედლო ამბავში მეხუთეზე დარჩა.  ამ მხრივ ვერ ვიყოჩაღეთ.

ხვალიდან ნურ-სულთანში ჯერი თავისუფლებზეა.

0 კომენტარი
0

მსგავსი პუბლიკაციები

დატოვეთ კომენტარი