მთავარი მთავარი ტოჩინოშინი აკი ბაშოზე იუშოსთვის მებრძოლ სეკივაკე ტაკაკეიშოსთან დამარცხდა

ტოჩინოშინი აკი ბაშოზე იუშოსთვის მებრძოლ სეკივაკე ტაკაკეიშოსთან დამარცხდა

ავტორი კახა მიხანაშვილი
119 ნახვა

დღეს,  სუმოს სამშობლოში მიმდინარე სუპერტურნირ აკი ბაშოზე ქართველ ოძეკის ტოჩინოშინს  მძიმე ბრძოლა გადახდა.

ლევან გორგაძე სექტემბრის ბაშოს ჩემპიონობისთვის მებრძოლ სეკივაკე ტაკაკეიშოს დაუპირისპირდა.  დრამატული ორთაბრძოლა ოკურიტაოშით ტაკაკეიშომ მოიგო.

ამ მარცხის შემდეგ გორგაძის ბალანსი 5-6 გახდა.   კადობანში მყოფ ქართველს ოძეკის პრესტიჟული წოდების შესანარჩუნებად აკი ბაშოზე კიდევ 3 ბრძოლის მოგება ესაჭიროება.  ბაშოზე კი მხოლოდ 4 დაპირისპირება აქვს დარჩენილი.

ხვალ, ტოჩინოშინის წინააღმდეგ  დოჰიოზე  სეკივაკე მიტაკეუმი დადგება.  დღეს, მიტაკეუმიმ მე-5 მაეგაშირა რიუდენთან ოშიდაშით წააგო და ამ დროისთვის მისი ბალანსი 8-3 გახდა.

აკი ბაშოზე ორხელისუფლებიანობაა დამყარებული.  9 მოგებითა და 2 მარცხით ტურნირს სათავეში მე-10 მაეგაშირა მეისეი და სეკივაკე ტაკაკეიშო უდგანან.

8 გამარჯვება, 3 მარცხის წილ სეკივაკე მიტაკეუმის გარდა მე-2 მაეგაშირა ასანოიამას, მე-14 მაეგაშირა ცურუგიშოს და მე-8 მაეგაშირა ოკინოუმის გააჩნიათ.

7-4 ბალანსით კი  იუშოს შანსს ოძეკი გოიედო,  კომოსუბი ენდო მე-16 მაეგაშირა იუტაკაიამა და მე-12 მაეგაშირა შოჰოზანი ინარჩუნეს.

0 კომენტარი
0

მსგავსი პუბლიკაციები

დატოვეთ კომენტარი