მთავარი საქართველოლეგიონერები თბილისის “დინამო” ლევან მჭედლიძის ტრანსფერზე მუშაობს

თბილისის “დინამო” ლევან მჭედლიძის ტრანსფერზე მუშაობს

ავტორი კახა მიხანაშვილი
36 ნახვა

საქართველოს ყველაზე ტიტულოვანი კლუბი თბილისის “დინამო”  ქართველი ფორვარდის  ლევან მჭედლიძის ტრანფერზე მუშაობს.   საქართველოს ნაკრების ყოფილი ფორვარდის დედაქალაქურ გუნდში გადაყვანის საქმეში თავად გუნდის პრეზიდენტი რომან ფიფიაა ჩართული.

29 წლის თავდამსხმელმა იტალიური კლუბი “ემპოლი” ზაფხულში დატოვა და მას შემდეგ უგუნდოდ იმყოფება.

იტალიურ პრესაში ვრცელდება ინფორმაცია, რომ მჭედლიძის სამსახურით სერია “ბ”-ს გუნდებიც არიან დაინტერესებული.

თუ რა გადაწყეტილებას მიიღებს ქართველი ფორვარდი ეს ამბავი უახლოეს დღეებში გახდება ცნობილი.

ლევან მჭედლიძემ საქართველო 15 წლის ასაკში დატოვა და იტალიის  კლუბ  „ემპოლის“ დუბლშემადგენლობაში ჩაირიცხა.  ცოტა ხანში კი ძირითად გუნდში გადაიყვანეს.

მჭედლიძე  2008-2010 წლებში იჯარის წესით „პალერმოში“ გამოდიოდა.   ბოლოს კი ისევ „ემპოლიში“ დაბრუნდა და 2019 წლამდე ამ გუნდის ღირსებას იცავდა.  ქართველი ფორვარდი ტრავმებს ხშირად იღებს.  მას აქედან გამომდინარე მატჩების გამოტოვება სისტემატიურად უწევს.

ლევანის დებიუტი საქართველოს ეროვნულ ნაკრებში 2007 წელს 17 წლის ასაკში შედგა.  მას ამ დრომდე ეროვნულ გუნდში სულ 32 მატჩი აქვს ჩატარებული და 2 გოლი გატანილი.

0 კომენტარი
0

მსგავსი პუბლიკაციები

დატოვეთ კომენტარი