მთავარი საქართველოეროვნული ლიგა ბათუმის  “დინამომ” “საბურთალოს” სძლია და ლიდერობა განიმტკიცა

ბათუმის  “დინამომ” “საბურთალოს” სძლია და ლიდერობა განიმტკიცა

ავტორი კახა მიხანაშვილი
24 ნახვა

საქართველოს საფეხბურთო ჩემპიონატ “კრისტალბეთ ეროვნულ ლიგაში” 28-ე ტურის 3 შეხვედრა გაიმართა.

ტურის ცენტრალურ მატჩში ერთმანეთს ბათუმის “დინამო” და თბილისის “საბურთალო” დაუპირისპირდნენ.

აჭარაში ბათუმის გარეუბან ანგისაში ჩატარებულ ორთაბრძოლაში ერთადერთი გოლი გავიდა.
წარმატებას მასპინძლებმა მიაღწიეს და ლიდერობა კიდევ უფრო განიმტკიცეს.

პირველი უგოლო ტაიმის შემდეგ 62-ე წუთზე “საბურთალოს” ფეხბურთელები კაცნაკლული დარჩნენ.
მსაჯმა ჯენერი ხორავამ მოედნიდან დედაქალაქელთა კენიელი ნახევარმცველი ელვინ ტერა გააძევა.

ზღვისპირელებმა 74-ე წუთზე რიცხობრივი უპირატესობა გამოიყენეს. გოლი ბრაზილიელი ფეხბურთელების კომბინაციას მოჰყვა.

გაბრიელ რამოსის პასით ჯოვინი ფლამარიონმა იხეირა.

ამ გამარჯვებით ბათუმის “დინამოს” 58 ქულა გაუხდა. აჭარლები თბილისის “დინამოს” 4 ქულით უსწრებენ.
საქართველოს ყველაზე ტიტულოვანი გუნდი ტურის შეხვედრას გასვლაზე საჩხერის “ჩიხურასთან” 21 სექტემბერს, ჩაატარებს.

28-ე ტურში წარმატებას მიაღწიეს ქვემი ქართლულმა კლუბებმა.

“რუსთავმა” თბილისის “ლოკომოტივი” 2-1 დაამარცხა.
ბოლნისის “სიონმა” კი ფინანსურ შეჭირვებაში მყოფი ქუთაისის “ტორპედოს” 2:0 სძლია.

“დინამო” (ბათუმი) 1:0 ” “საბურთალო” (თბილისი)
74′ ჯოვინი ფლამარიონი (1-0)
გაძევება: 62′ ელვინ ტერა ( “საბურთალო”)

“რუსთავი” 2:1 “ლოკომოტივი” (თბილისი)
49′ ბექა ქავთარაძე (1-0), 74′ ლაშა ქოჩლაძე (2-0), 81′ დათო კირკიტაძე (2-1)
გაძევება: 56′ ირაკლი კომახიძე (“ლოკომოტივი”)

“სიონი” (ბოლნისი) 2:0 “ტორპედო” (ქუთაისი)
19′ დიმიტრი ტატანაშვილი (1-0), 52′ ლევან ხმალაძე (2-0)

0 კომენტარი
1

მსგავსი პუბლიკაციები

დატოვეთ კომენტარი