მთავარი მთავარი ავსტრალიამ ფიჯის წინააღმდეგობა მეორე ტაიმში დასძლია და მსოფლიოს თასზე პირველი მატჩი მოიგო

ავსტრალიამ ფიჯის წინააღმდეგობა მეორე ტაიმში დასძლია და მსოფლიოს თასზე პირველი მატჩი მოიგო

ავტორი კახა მიხანაშვილი
35 ნახვა

იაპონიაში მიმდინარე რაგბის მსოფლიოს ჩემპიონატზე ერთმანეთს საქართველოს ჯგუფის გუნდები ავსტრალია და ფიჯი დაუპირისპირდნენ.

ქალაქ საპოროში გამართული ორთაბრძოლა დაძაბული და საინტერესო აღმოჩნდა. ავსტრალიელებმა მეტოქე მეორე ტაიმში გატეხეს და მსოფლიოს პირველობა გამარჯვებით დაიწყეს.

შეხვედრის პირველი 10 წუთი ფიჯელებმა შესანიშნავად ჩაატარეს.

მე-4 წუთზე კუნძულელები გუნდის მგეზავის ბენ ვოლავოლას ჯარიმით დაწინაურდნენ.

მე-7 წუთზე კი მატჩის პირველი ლელოც ფიჯელებმა გაიტანეს. ხელდახელ ბრწყინვალედ გათამაშებული კომბინაციის შემდეგ მეტოქის ჩათვლის მოედანში ბურთი პესელი იატომ შეიტანა. გარდასახვა ვოლავოლამ ვერ გაიტანა 0-8.

გაშვებული ლელოს შემდეგ ავსტრალიელებიც გამოცოცხლდნენ.
მე-17 კი ლელოს დადებაც შეძლეს. თავი გუნდის კაპიტანმა მაიკლ კუპერმა გამოიჩინა..
გარდასახვისას მიზანს კრისტან ლეალიფანომ უწია 7-8.

22-ე წუთზე ფიჯის ნაკრებმა ჯარიმის დარტყმის უფლება მიიღო. ვოლავოლამ ბურთი ძელებს შორის ზუსტად გააძვრინა 7-11.

ვოლავოლამ კიდეც ერთი ჯარიმა 30-ე წუთზე გაიტანა 7-14.

ტაიმის მიწურულს ავსტრალიის ნაკრებმა მოწინააღმდეგე მძლავრად შეუტია და შედეგად ლელოც დადო.

ლელო ტაიმის დასრულებამდე 1 წუთით ადრე რის ჰოჯიმ მიითვალა 12-14.

მეორე ტაიმის დასაწყისში, კერძოდ 43-ე წუთზე ფიჯის ნაკრების ღერძმა ვაისეა ნაიასალევუმ “ვოლაბებს” მორიგი ლელო დაუდო.
ვოლავოლამ გარდასახვისას მიზანს უწია 12-21.

ამის შემდეგ რაგბის მხოლოდ ერთი გუნდი ავსტრალიის ნაკრები თამაშობდა.

50-ე წუთზე რის ჰოჯმა ჯარიმიდან სხვაობა 6-ქულამდე შეამცირა 15-21.

56-ე და 61-ე წუთებზე ავსტრალიელთა კვაჭმა ტოლუ ლატუმ მიჯრით ორი ლელო დადო და მატჩში დუბლი გაიფორმა. თან გუნდს ბონუს-ქულა მოუტანა.
ორიდან კრის ჰოჯმა ვერცერთი გარდასახვა ვერ გამოიყენა 25-21.

68-ე წუთზე ავსტრალიის ნაკრებიდან რიგით მე-6 ლელო სამუ კერევიმ დადო. ამჯერად გარდასახვა სათადარიგო მგეზავმა მეტ ტოომუამ გაიტანა 32-21.

72-ე წუთზე ავსტრალიელთა გარემარბმა მარიკა კოტოიბეტემ ფიჯის ნაკრები კიდევ ერთხელ დაალელოვა. გარდასახვა მეტ ტოომუამ გაიტანა და როგორც შემდეგ აღმოჩნდა მატჩის საბოლოო ანგარიში 39-21 დააფიქსირა.

ავსტრალიამ პირველი მატჩის გამარჯვევის შემდეგ აქტივში 5 ქულა ჩაიწერა.

ფიჯიმ კი მედგარი ბრძოლის მიუხედავად ამ მატჩში ქულას ვერ გამორჩა.

ავსტრალია 32:21 ფიჯი

ავსტრალია:

5 ლელო: კუპერი, ჰოჯი, ლატუ (2), კერევი, კორეიბეტე
გარდასახვა: ლეალიფანო, ტოომუა (2)
ჯარიმა: ჰოჯი

ფიჯი: იატო, ნაისალევუ.
გარდასახვა: ვოლავოლა
ჯარიმა: ვოლავოლა (3),

 

0 კომენტარი
0

მსგავსი პუბლიკაციები

დატოვეთ კომენტარი