მთავარი ვიდეო VIDEO: ანტონ პლესნოიმ ძალოსნობის მსოფლიოს ჩემპიონატზე საქართველოს 1 ოქროს და 1 ბრინჯაოს მედალი მოუტანა

VIDEO: ანტონ პლესნოიმ ძალოსნობის მსოფლიოს ჩემპიონატზე საქართველოს 1 ოქროს და 1 ბრინჯაოს მედალი მოუტანა

ავტორი კახა მიხანაშვილი
101 ნახვა

დღეს,  ტაილანდში მიმდინარე ძალოსანთა მსოფლიო ჩემპიონატზე მედლები 96 კგ. წონით კატეგორიაში გათამაშდა.

პლანეტის პირველობაზე  საქართველოს ღირსება ანტონ პლესნოიმ დაიცვა.  მან ატაცში მსოფლიოს ჩემპიონის ტიტული დაიმსახურა.

პლესნოიმ ატაცში ყველა მისვლა გამოიყენა.   მან ჯერ 172 კილოგრამი დასძლია.  შემდეგ კი 177 და 181 კილოგრამიანი შტანგაც თავს ზევით აღმართა.  181 კილოგრამის დაფიქსირებით ანტონმა ევროპის 23 წლამდელთა და საქართველოს რეკორდიც დაამყარა.

ბრწყინვალედ იასპარეზა ანტონ პლესნოიმ აკვრაშიც.   საქართველოს ნაკრების ძალოსანმა აქაც სამივე მისვლა გამოიყენა.   მან 203, 209 და 213  კილოგრამი წონის შტანგა ასწია.  ამ მოძრაობაში პლესნოი მე-4 ადგილზე გავიდა.

ანტონმა ორჭიდის ჯამში 394 კილოგრამი დააგროვა და  ატაცში მოპოვებულ ოქროს მედლის გარდა, საქართველოში ბრინჯაოს მედლით ხელდამშვენებული ბრუნდება.

ამ დროისთვის საქართველოს ნაკრების ყულაბაში 2 ოქროს და 2 ბრინჯაოს მედალი იმყოფება.  გუშინ, 1 ოქრო და 1 ბრინჯაო რევაზ დავითაძემ დაისაკუთრა.

ასე მოიპოვა პლესნოიმ მსოფლიოს ჩემპიონობა:

ასე ასწია 213 კილოგრამიანი შტანგა ანტონ პლესნოიმ აკვრაში:

0 კომენტარი
0

მსგავსი პუბლიკაციები

დატოვეთ კომენტარი