მთავარი საქართველოეროვნული ნაკრები VIDEO: მამუკა გორგოძე: ,,პირობას გაძლევთ, მაქსიმალურად ვიმუშავებთ და ჩვენს დაშვებულ შეცდომებს გამოვასწორებთ “

VIDEO: მამუკა გორგოძე: ,,პირობას გაძლევთ, მაქსიმალურად ვიმუშავებთ და ჩვენს დაშვებულ შეცდომებს გამოვასწორებთ “

ავტორი კახა მიხანაშვილი
50 ნახვა

მსოფლიოს თასზე უელსთან ჩატარებული მატჩის შემდეგ ,,palitravideo.ge”-სთან კომენტარი ლეგენდარულმა ქართველმა მორაგბემ მამუკა გორგოძემ გააკეთა.

2-წლიანი პაუზის შემდეგ ეროვნულ გუნდში მობრუნებული ყველა დროის ერთ-ერთი საუკეთესო ქართველი მორაგბე აცხადებს, რომ პირველ ტაიმში დაფიქსირებული ანგარიშის ღირსი ქართველი გულშემატკივრები არ არიან.  თამაშის ბედი კი სწრაფად მიღებულმა 3 ლელომ გადაწყვიტა.

გორგოძე გვპირდება, რომ “ბორჯღალოსნები” მოედანზე თუ მოედნის გარეთ მაქსიმალურად იმუშავებენ და მომავალ მატჩებში დაშვებულ შეცდომებს გამოსწორებენ.

მამუკა გორგოძე:  ,,მეორე ტაიმში უფრო თავდაჯერებულობა მოგვემატა.  თან პირველ ნახევარში რა ანგარიშიც დაფიქსირდა, ქართველი გულშემატკივრები არ არიან მაგ ანგარიშის ღირსი.  ჩვენც ყველანაირად ვეცადეთ, რომ მეორე ნახევარში მობილიზაცია გაგვეკეთებინა და თამაში ცოტა უკეთესი გამოგვივიდა.  მიღებული პირველი 3 ლელო ძალიან დასანანი იყო.  რომ არა სწრაფად მიღებული ლელოები თამაშიც უკეთესი გამოგვივიდოდა და მატჩიც მისაღები ანგარიშით დასრულდებოდა. თუ მსოფლიოს მიმდინარე ჩემპიონატის მატჩებს გადახვედავთ დავინახავთ, რომ ბევრმა ძლიერმა გუნდმა თავისი შეხვედრა ისე დაარულა ლელო გატანა ვერ შეძლო.  უელსის ნაკრებს 2 ლელო, რომ დაუდო კარგი შედეგია, თუმცა ეს გასასამართლებელი საბუთი არ არის.  ასეთი ანგარიშით რომ წავაგეთ ნამდვილად გულდაწყვეტილები ვართ მთელი გუნდი და ალბათ გულშემატკივარიც ასეა.  პირობას გაძლევთ, რომ მოედანზე თუ მოედნის გარეთ მაქსიმალურად ვიმუშავებთ და ჩვენს დაშვებულ შეცდომებს მომავალ მატჩებში გამოვასწორებთ. – აცხადებს ლეგენდარული მამუკა გორგოძე.

საქართველოსა და უელსის ნაკრების მატჩი ბრიტანელთა გამარჯვებით 43:14 დასრულდა.

http://palitravideo.ge

0 კომენტარი
0

მსგავსი პუბლიკაციები

დატოვეთ კომენტარი