მთავარი მთავარი ზურაბ წიქორაძემ სუმოს ევროპის ჩემპიონატზე 2 ოქროს მედალი მოიპოვა

ზურაბ წიქორაძემ სუმოს ევროპის ჩემპიონატზე 2 ოქროს მედალი მოიპოვა

ავტორი კახა მიხანაშვილი
23 ნახვა

უნგრეთის დედაქალ ბუდაპეშტი სუმოს ახალგაზრდული ევროპის ჩემპიონატი ჩატარდა.

მედლები 14, 16 და 18-წლამდე ასაკობრივ კატეგოროებში გათამაშდა.

კონტინენტის პირველობაზე მონაწილეობა საქართველოდან სამმა სუმოისტმა მიიღო.

სამივე მათგანმა 18-წლამდელთა შორის გამართულ ტურნირზე იასპარეზა.

სამწუხაროდ, ევროპირველობა უმედლოდ დავით კაცაძემ (-100 კგ) და დებიუტანტმა შალვა ვაშაყმაძემ დაასრულეს.

კაცაძემ ტურნირის დაწყების წინ ხელი მოიტეხა და ბუდაპეშტში ტრავმით გამოდიოდა, რამაც გავლენა მის შედეგიანობაზე მოახდინა.

სამაგიეროდ, ევროპის ჩემპიონატზე ბრწყინვალედ ზურაბ წიქორაძემ იასპარეზა. მან ორი ოქროს მედალი დაისაკუთრა.
ქართველმა სუმოისტმა ოქროს მედალი მძიმე წონაში და ასევე აბსოლიტურ ანუ თავისუფალ წონაში მოიპოვა.

ორივე შემთხვევაში წიქორაძემ ფინალურ ბრძოლაში რუს ფალავანს სძლია.

ზურაბ წიქორაძის პატივსაცემად, ბუდაპეშტში საქართველოს ეროვნული ჰიმნი 2-ჯერ აჟღერდა.

აღსანიშნავია ის სასიამოვნო ფაქტი, რომ წიქორაძემ გასულ ევროპირველობაზეც 2 ოქროს მედალი აიღო.

მომდევნო დიდი ტურნირი ზურაბ წიქორაძეს ორი კვირის შემდეგ მსოფლიოს ჩემპიონატზე ელოდება.

პლანეტის პირველობა სუმოს სამშობლოში, იაპონიის ქალაქ ოსაკაში გაიმართება.

წყარო: ქართული სუმოს ქომაგები

0 კომენტარი
0

მსგავსი პუბლიკაციები

დატოვეთ კომენტარი