მთავარი საქართველოლეგიონერები ქართველი ლეგიონერების ამბები საფრანგეთის ტოპ 14-დან

ქართველი ლეგიონერების ამბები საფრანგეთის ტოპ 14-დან

ავტორი კახა მიხანაშვილი
29 ნახვა

საფრანგეთის სარაგბო ჩემპიონატ ტოპ 14-ში მე-5 ტურის შეხვედრები გაიმართა.

გამომდინარე იქიდან, რომ ქართველები იაპონიაში მიმდინარე მსოფლიოს თასზე ასპარეზობენ, საფრანგეთის ჩემპიონატის კალენდარულ მატჩში სულ 5-მა ჩვენებურმა ითამაშა.

ლექსო ყაულაშვილისა და ლაშა ტაბიძის “ბორდო” გასვლაზე “მონპელიესთან” დაზავდა.

ორივე ქართველი მორაგბე ჟირონდელთა სასტარტო შემადგენლობაში იყო.
მე-19 წუთზე ყაულაშვილი მოედნიდან 10 წუთით გააძევეს.

ქართველები “ბორდოს” სამწვრთნელო შტაბმა პირველი ტაიმის შემდეგ შეცვალა.
ტაბიძე ტრავმირებული თანაგუნდელის ნაცვლად მოედანზე 77-ე წუთზე ისევ დაბრუნდა.

ქართველების გუნდმა ფრედ 17-17 ითამაშა და სატურნირო ცხრილში 20 ქულით მე-2 პოზიციას იკავებს.

დედაქალაქ პარიზში გამარჯვება მოიპოვა დავით ზირაქაშვილისა და გიორგი ბერიას “კლერმონმა”.
ქართველი მორაგბეების გუნდმა “სტად ფრანსე” სტუმრად 32:18 დაამარცხა.

ქართველმა ბურჯმა ზირაქაშვილმა მატჩი გუნდის ძირითად შემადგენლობაში დაიწყო. იგი 72-ე წუთზე შეცვალეს.
გიორგი ბერია კი საქმეში ბოლო 8 წუთი ჩაერთო.

“კლერმონმა” ამ გამარჯვების შემდეგ თავი 12 ქულას მოუყარა და მე-5 საფეხურზე გადავიდა.

გასვლაზე “კასტრისთან” მატჩში გიორგი თეთრაშვილის “აჟენი” 27-30 დამარცხდა.

ქართველი ბურჯი გუნდის სასტარტო თხუთმეტეულში იყო და მიედანზე 62 წუთი გაატარა.

თეთრაშვილის გუნდი 9 ქულით მე-10 საფეხურზე  იმყოფება.

0 კომენტარი
0

მსგავსი პუბლიკაციები

დატოვეთ კომენტარი