მთავარი საქართველოეროვნული ნაკრები საქართველოს ნაკრები მსოფლიოს თასზე ფიჯისთან გასამართი მატჩისთვის დაირაზმა

საქართველოს ნაკრები მსოფლიოს თასზე ფიჯისთან გასამართი მატჩისთვის დაირაზმა

ავტორი კახა მიხანაშვილი
50 ნახვა

საქართველოს რაგბის ეროვნული ნაკრები იაპონიაში მიმდინარე მსოფლიოს თასზე მე-3 შეხვედრას გამართავს.

“ბორჯღალოსნები” ფიჯის ეროვნულ ნაკრებს დაუპირისპირდებიან და გამარჯვების შემთხვევაში მომავალი მსოფლიოს თასის საგზურ პირდაპირ მიიღებენ.

ეროვნული გუნდის მთავარმა მწვრთნელმა მილტონ ჰეიგმა კუნძულელების წინააღმდეგ, იმ მორაგბეების დაყენება არჩია, ვინც შედარებით დასვენებულები არიან.

დავიწყოთ იმით, რომ “ბორჯღალოსნებს” კაპიტნის რანგში მერაბ შარიქაძე დაუბრუნდა. “ბუკამ” ურიგვაისთან შეცვლაზე ითამაშა.

შარიქაძე დავით კაჭარავას შეუწყვილდება, რომელსაც ურუგვაისთან არ უთამაშია და მომავალ შეხვედრას დასვენებული ხვდება.

ცენტრალური წყვილის გარდა, წინა მატჩებთან შედარებით ხაზში კიდევ რამდენიმე ცვლილებაა. სასტარტო შემადგენლობაში ბრუნდება ჰავბეკი  ვასილ ლობჟანიძე, ხოლო მგეზავად, პირველად ამ მსოფლიო თასზე, თამაშს ლაშა ხმალაძე იწყებს. მან უელსთან შეცვლაზე, ხოლო ურუგვაისთან სასტარტოში ფულბეკად ითამაშა. ამჯამად 15 ნომრის პოზიციასე სოსო მათიაშვილი დაიკავებს, რომელიც ძირითადში ბრუნდება.

ზედიზედ მესამე თამაშს იწყებს გიორგი კვესელაძე და ის ფრთაზე ბრუნდება. მეორე ფრთაზე გამოცდილ ალექსანდრე თოდუას ვიხილავთ. აღსანიშნავია, რომ ფრთის ორივე მოთამაშემ ურუგვაის ლელო გაუტანა.

მარქაფაში 9 ნომრის პოზიციაზეა გელა აფრასიძე. ხაზი მოთამაშეებიდან შეცვლაზე ლაშა მალაღურაძე და მირიან მოდებაძე შევლენ.

შერკინებაში ურუგვაისთან მატჩის შემდეგ 7 მორაგბე შეიცვალა და საქართველო იმ ფორვარდებით იწყებს თამაშს, რომლითაც ექვსი ერის გამარჯვებულ უელსს ეთამაშა.

ერთგვარ საიუბილეო შეხვედრებს მამუკაშვილი და გელა აფრასიძე ჩაატარებენ.

მამუკაშვილი ერივნული გუნდის კვართს 70-ე შეხვედრაში მოირგებს. აფრასიძე კი “ბორჯღალოსანთა” რიგებში მე-20 კეპს მოიხვეჭს.

ფიჯის წინააღმდეგ საქართველოს ნაკრების შემადგენლობა ასეთი იქნება:

15. სოსო მათიაშვილი, 14. გიორგი კვესელაძე, 13. დავით კაჭარავა, 12. მერაბ შარიქაძე, 11. სანდრო თოდუა, 10. ლაშა ხმალაძე, 9. გელა აფრასიძე;
1. მიხეილ ნარიაშვილი, 2. შალვა მამუკაშვილი, 3. ბექა გიგაშვილი, 4. გიორგი ნემსაძე, 5. კოტე მიქაუტაძე, 6. გიორგი თხილაიშვილი, 7. მამუკა გორგოძე, 8. ბექა გორგაძე.

მარქაფა
23. მირიან მოდებაძე, 22. ლაშა მალაღურაძე, 21. გელა აფრასიძე;
16. ჯაბა ბრეგვაძე, 17 გურამ გოგიჩაშვილი, 18. ლევან ჩილაჩავა, 19. ოთარ გიორგაძე, 20. ბექა საღინაძე

საქართველოსა და ფიჯის ორთაბრძოლა თბილისის დროით 09:15 საათზე დაიწყება.

0 კომენტარი
0

მსგავსი პუბლიკაციები

დატოვეთ კომენტარი